Arrauna

Arrauneko webgune berria eitb24.com-en

Wed, 11 Jun 2008 14:20:13 +0000

Orain eskura duzu arrauneko atal berria eitb24.com-en.

Kontxako Bandera, TKE Liga, KAE LIga, fitxaketak etab.... eitb24.com-eko arrauneko atalean.

Zarautzek eskuratu du Euskadiko batel txapelketa

Sun, 20 Apr 2008 14:00:51 +0000

Zarautzek iragarpenak bete ditu eta Euskadiko batel txapelketa irabazi du Donostiako badian.

Amaiera benetan zirraragrria izan da eta Zarautzek 16 ehunetan gainditu du Orio. Azken arraunkadak garaipena eman dio Zarautzi.

Kaiku hirugarren sailkatu da eta Pasai Donibane laugarren.

Emakumezkoetan, Tolosaldeak irabazi du Ondarruren aurretik.

Sailkapena:

1 ZARAUTZ 08:34,79

2 ORIO 08:34,95

3 KAIKU 08:43,38

4 PASAI DONIBANE 08:49,82

Dena prest aurtengo Nazioarteko Estropadetarako

Mon, 7 Apr 2008 11:46:00 +0000

Datorren Apirilaren19an (larunbata), Orioko Arraunketa Olinpikoko Nazioarteko Estropadaren beste edizio berri bat lehian jarriko da.

Hain zuzen ere, aurtengoa XIV. izango da. Ekitaldi hau Orio Arraunketa Elkarteak antolatu du, Orioko Udalaren eta Inmobiliaria Txurrukaren laguntzarekin eta Arraunketako Gipuzkoako Federakuntzaren gainbegiraketarekin.

Estropada hauek gizonezkoen "lemazaindun zortziko" modalitatean (8+) izango dira --arraunketa olinpikoko modalitate erregina-- eta emakumezko "binako laukoan" (4x).

Aurtengorako ere, 2004go edizioan martxan jarritako sistema berdinarekin lehiatuko da. Hau da, kanporaketako estropadak, finalaurrekoak eta finalak marran 1.000 metroko distantzian lehiatuko dira. Horrela, 90 minutuko tartean guztira hamalau estropada lehiatuko dira, zein baino zein ikusgarriagoa, betiere ikuslearentzat erakargarritasun osokoak izan daitezen.

Aurtengo edizioa, Apirilaren 19an arratsaldeko 16:30ean hasiko da, eta bertan lehen mailako arraunlari ingelesak, frantsesak, espainolak eta portugesak, euskaldunekin batera lehiatuko dira.

1968. urtean ospatu ziren lehen aldiz, Orioko Nazioarteko Estropadak, beraz aurten 40. URTEURRENA ospatuko da. Hau kontutan izanik, Orio Arraunketa Elkarteko antolakuntza batzordeak ahalegin berezia egin du edizio honetan gizonezkoen "lemazaindun zortzikoan" (8+) hamasei ontziren parte hartzea lortzeko (Iaz hamabi taldek parte hartu zuten arraunketa olinpikoko "modalitate nagusi" horretan).

Oriotarrek, berriro ere, MOLESEY BOAT CLUB elkarteko ontzi ospetsua, lehiaketa horretan parte hartzea lortu dute; baita 2006. urteko edizioko irabazleak ere SPORTING CLUB CAMINHENSE (Portugaleko txapeldunak) eta nobedade bezala UNIVERSITE NANTES AVIRON elkarte frantses historikoa izango da aurten Orioko Nazioarteko Estropadetan.

Emakumezko "binako laukoan" (4x) berriz, zortzi talde izango dira. Inglaterra, Frantzia eta Portugaleko taldeekin batera estatu espainoleko punta-puntako taldeak Orion elkarren aurka lehiatzea lortuko da euskaldunekin batera.

TKEko Batzarra

Wed, 26 Mar 2008 15:33:36 +0000

Idatzi honen bitartez, 2008ko martxoaren 29an, larunbatez, TKE Traineru Kluben Elkartearen aurtengo hirugarren batzarra egingo dela jakinarazten du TKE Ligako Elkarteak.

Bermeoko Marinelaren Museoan egingo da biltzarra, ACT-ren Koroa ikus daitekeen museoan, hain zuzen ere. Goizeko 9:30an izango da lehen deialdia, eta ordu erdi geroago bigarrena, 10:00an. Ohiko Batzarraren ondoren Ezohiko Batzarra egingo da, eta batzar horretan Elkartearen araudiarekin zerikusia duten gaiak aztertuko dira.

Honako hauek dira bi batzarretako gai-ordenaren kontu garrantzitsuenak:

-Azken Batzar Orokorreko aktaren berrespena.
-2008ko lehiaketa egutegiaren onarpena, horrela eskatzen bada.
-2008ko (Play Off) kanporaketa sistemaren onarpena, horrela eskatzen bada.
-ACTko Lehiaketa Araudiaren, Estropada Kodearen eta Antolakuntza Eskuliburuaren onarpena, horrela eskatzen bada.

Urdaibai traineruaren aurkezpena

Thu, 20 Mar 2008 15:03:57 +0000

Urdaibai Arraun Elkarteak ‘Bou Bizkaia’-ko tripulazinoaren aurkezpen ofiziala egingo du apirilaren 6an. 13:30etik aurrera, Eneperi Jatetxean (Bermeo-Bakio errepidea).

‘Bou Bizkaia’-ko arraunlariak ez ezik, Patxi Bilbao entrenatzailea eta Rafa Mugartegi elkarteko presidentea be, bertan izango dira, hedabideei harrera emoteko prest.

Larunbatean trainerillen jaitsiera jokatuko da Hondarribia

Fri, 8 Feb 2008 11:51:24 +0000

Larunbatean, hilaren 9an, trainerillen jaitsiera jokatuko da Hondarribian. Traineruak minuturo aterako dira, azkena etxeko Hondarribia izanik,

Ibaialde Baiona
Arkote
Camargo
Hondarribia (gazteak)
Xon’s Rem Empuriabrava
Rem Badalona
Iberia
Ibaika
Astillero B
Trintxerpe
Getxo
San Pedro B
Hondarribia B
Zierbena
Camargo
Koxtape
Zumaia
Castro B
Orio B
Kaiku
San Pedro A
Astillero A
Castro A
Orio A
Hondarribia A

TKE Ligako zuzendaritza batzordea berriro hautatu dute

Sun, 27 Jan 2008 18:54:17 +0000

Larunbatean, urtarrilaren 26an, TKE Ligako 1. eta 2. Ohiko Batzarrak egin ziren Oiartzunen eta bertan talde guztiek hartu zuten parte, Mecos izan ezik.

Aurreneko bileran honakoa onartu zen:

-Aurreko akta

-2007. urteko aurrekontuak

-2007. urteko zuzendaritza batzordea berriro hautatu zen

Bigarrenean honako onartu zen:

-2008. urterako aurrekontua

-Aurten 22.000 eurokoa izango dira sariak

-Zuzendaritza Batzorde berriaren osaketa:

Zuzendaria: Piter Bravo (Castro)

Idazkaria: Javier Sorozabal (Arkote)

Diruzaina: Luis Unanue (Zumaia)

Batzordekidea: Leonardo Villaverde (Tiran)

Astilleroren zigorra bertan behera utzi dute

Sun, 20 Jan 2008 13:55:19 +0000

Euskal Autonomi Erkidegoko Justizia Auzitegi Nagusiak Astilleroren zigorra bertan behera utzi du. 2005. urteko irailaren 24an dopin-kontrola egiteari uko egin zioten Astilleroko 15 arraunlarik eta, ondorioz, bi urteko zigorra jaso zuten.

Orain, arraunlariei eta entrenatzaileari ezarritako zigorra baliorik gabe utzi du EAEko Auzitegi Nagusiak eta EAEn arrauna egiteko aukera izango dute.

Auzitegi Nagusiko sententziaren arabera, 2005eko dopin-kontrola ez zen lagin-hartzea izan, galdeketa baizik, eta arraunlariek klubeko abokatuaren presentzia eskatu zuten.

2008. urteko TKE Ligaren egutegia onartu dute Burgosen

Sat, 15 Dec 2007 16:47:29 +0000

TKE Ligaren azken Batzar Nagusia ospatu da Busgoseko San Miguel lantegian eta bertan 11 taldek hartu dute parte.

Burgosen 2008. urteko denboraldiaren egutegia onartu dute:

EKAINA:

28 29 ZARAGOZA

UZTAILA:

5 6 Rianxeira (Boiro) / Boiro

12 13 San Pedro / Telefonica

19 20 Pedreña / Plentzia

26 27 Moaña / Riveira

ABUZTUA:

2 3 Getxo / Zumaia

12 13 16 17 Zarautz / Zarautz

23 24 Hondarribia / Bilbao

30 31 Castro / Orio

IRAILA:

6 7 13 14 20 21 Bermeo / El Corte Ingles (Portugalete)

Arazoak Elantxoben eta Laredon

Tue, 11 Dec 2007 10:57:18 +0000

Elantxobe arraun elkartean kalte handiak egin ditu atzoko itsas ekaitzak. Olatuek arraun elkartea txikitu dute.

Lokala bera oso kaltetua izan da, baita arraunerako materiala ere: bi traineru eta batel bat erabat galdu dituzte. Arraun elkarteko presidenteak eta arraunlariak, Patxi Egurrolak eman du berria Euskadi irratian.

Gaur galeren balorazioa egitekoak dira, baina benetan egoera tamalgarrian gelditu dira.

Laredo, arazoekin

San Miguel Ligan jarraitzeko arazoak ditu talde kantabriarrak 80 mila euroko zuloa baitute. Biharko eguna jarri dute epetzat Laredoko alkateak agindutako dirua eman dezan, hala ez bada zuzendaritzak arraunlariei eta bazkideei egoeraren berri emango die eta erabaki jarraitu ala ez.