Heineken Kopako azken partida jokatuko du gaur Biarritzek, etxean Viadana talde italiarraren aurka.

Pasa den astean Saracensen aurka galdu ondoren, sailkapenari begira ez dauka inolako eraginik gaurko partiduak, lapurtarrak jada kanporatuta baitaude. Aguileran jokatuko da partidaa, iluntzeko 21:00etan hasita. Viadana Heineken Kopako laugarren multzoko azken sailkatu da. Jokaturiko partida guztiak galdu ditu, eta soilik 3 puntu ditu.


Biarritzek garaipen batekin esan nahi dio agur Europako txapelketa nagusiari, zaleen aurrean ahalik eta jokorik onena atera nahirik. Italian jokaturiko partiduan, ligaxkako lehenengoan, azaroaren 10ean, 11-19 irabazi zuen Biarritzek. Behin partida hau jokatuta, Frantziako Top-14 ligan jarriko ditu indar guztiak euskal taldeak. Hirugarren postuan daude sailkapenean.