Galesko errugbi selekzioak Irlandakoa gainditu du Dublinen Sei Nazioen txapelketako partidan. Ondorioz, lidergoan egingo dio aurre azken jardunaldiari. 

"Grand Slama" irabazteko aukera duen selekzio bakarra da. Irlandak, ordez, titulua eskuratzeko aukera guztiak galdu ditu Croke Parken. 

Eskoziak, bestalde, 15-9 irabazi zuen Ingalaterraren aurkako partida. Igandean Frantziak eta Italiak jokatuko dute.

Euskadik 6-24 irabazi zion Andaluziako selekzioari Emakumezkoen Espainiako Txapelketan. Atsedenaldira heldu arte, partida oso orekatua izan zen. Lehenengo zatian, Euskadiren aldeko zigor-entsegu batek laugarren minutuan eta Andaluziak erdietsitako zigor-kolpe batek markagailua 3-5ean utzi zuten. 

Bigarren zatiaren lehenengo minutuetan Barbara Plaren bi korrikaldiren ostean lortutako bi entseguk (41. eta 61. minutuak), eta Pla berak erdietsitako kolpeak Andaluzia atzean utzi zuten. Aitziber Porrasen beste entsegu batek 24 tantotan utzi zuen Euskadiko selekzioaren markagailua. Andaluziak ere, zigor kolpe bat egin zuen 54. minutuan.   

Garaipen honen ostean, Euskadik bere taldeko lehenengo postuan amaitu du lehenengo fase hau eta Txapelketako finala Madrilen aurka jokatuko du martxoaren 29 edo 30ean erabakitzeke dagoen zelaian. Iturria: Euskadiko Errugbi Federazioa

Anoetako Miniestadioan jokatu zen larunbatean Spyro Bera Bera eta Getxo Artea taldeen arteko euskal derbia. Gipuzkoarrek merezitako garaipena eskuratu zuten (21-9).

Getxok joko eskasa erakutsi zuen neurketako bigarren zatian; 96-97 denboralditik ez dute bizkaitarrek garaipena eskuratu Donostian.

-15. jardunaldiko emaitzak:

Bwin Pozuelo Boadilla C.R.C. 29 - F.C. Barcelona 27
Cetransa Dismeva El Salvador 33 - Jeep Alcobendas 3
Cajasol Ciencias R.C. 48 - AMPO Ordizia R.E. 17
Spyro Bera Bera R.T. 21 - Getxo Artea R.T. 9
U.E. Santboiana 29 - CIC Rugb y Valladolid 3

- Sailkapena:
---------------------------
.1. Cetransa Dismeva El Salvador

.2. Bwin Pozuelo Boadilla

.3. Cajasol Ciencias

.4. Getxo Artea R.T.

.5. CIC Rugby Valladolid

.6. Spyro Bera Bera R.T.

.7. U.E. Santboiana

.8. Jeep Alcobendas Rugby

.9. AMPO Ordizia R.E.

10. F.C. Barcelona