Eskubaloia

Akabak Amelie Goudjo fitxatu du

Fri, 11 Jul 2008 14:54:54 +0000

Akaba Bera Bera datorren denboraldirako taldea prestatzen ari da. Amelie Goudjo da donostiarrek fitxatu duten azken jokalaria.

Urtebeteko kontratua izenpetu du. Defentsan oso jokalari indartsua da eta kontraerasoan min handia egiten duena. Une honetan hauek osatzen duten Akabaren taldea:

Atezainak: Johann Bouveret eta Patricia Aisa
Hegalak: Esme Lopez, Libe Altuna, Matxalen Ziarsolo eta Verónica Valverde
Piboteak: Amelia Goudjo eta Zulai Agirre
Lehenengo lerrokoak: Tati Garmendia, Rafhaelle Tervel, Eider Rubio, Yolanda Sanromán, Patri Pinedo eta Alexandra Lacràbere

Portland: Chechu Villaldea entrenatzailea izango da datozen hiru denboraldietan

Fri, 11 Jul 2008 10:14:36 +0000

Portlandek badauka entrenatzailea datozen hiru denboraldietarako. Jose Villaldea Garrido, "Chechu" izango da nafarren prestatzailea.

Abuztuaren 4ean hasiko diren entrenamenduetan hasteko prest da entrenatzailea, baina momentu honetan, Espainiako Junior selekzioaren hautatzailea da eta uztailean Errumanian jokatuko den Europako Txapelketa ari da prestatzen bere hautatutekin.

Ohorezko B Mailan Naranco taldea entrenatu zuen, Carlos Ruesgo aurkitu zuen taldea, alegia.

Alexandra Lacrabére da Akaba Bera Beraren lehen fitxaketa

Tue, 1 Jul 2008 16:27:25 +0000

Alexandra Lacrabére 21 urtetako jokalari frantziarra da Akaba Bera Beraren lehen fitxaketa.

Jokalari gazte honen berezitasun nagusiena erasoa da, golak sartzeko erreztasuna bait du. Beraz, Akaba Bera Bera-ren kanpoko jaurtiketetan zer esan nabarmena izango duen jokalaria izando da. Alexandra momentuz Pekín-en ospatuko diren joko olimpikoak prestatzen ari den frantziako talderarekin entrenatzen ari da, bere partaidetza ziurtzat ezin jo daitekeelarik, hautatzaileak ez bait du azken jokalarien azken zerrenda eman. Zalantzarik gabe, fitxaketa ona Akaba Bera Berak lortu duena.

Iaz gertatu bezela, Corte Blanco donostiako enpresak Akaba Bera Berari emandako laguntzari esker (beste urtebetez bere laguntza emango bait dio taldeari), fitxaketa hau gauzatu ahal izan da.

Bestalde, iazko taldea osatzen zuten jokalari gehienak bertan jarraituko dute. Baja bakarrak hauek direlarik: Montse Puche, Ana Petrinja (Esloveniara itzuli da), Natasha Krnic (Leon-go taldean arituko da datorren urtean).

Akaba Bera Berak oraindik ez du datorren denboraldiko taldea itxi eta datozen egunetan, beste fitxaketarenbat aurkezteko asmoa du. Taldearen aurredenboraldia abuztuak 1-ean hasiko da.

Callave atezaina, Itxakora

Thu, 26 Jun 2008 13:18:57 +0000

Marion Callave atezain frantziarra fitxatu du Itxako Reyno de Navarrak. 26 urte ditu, eta Merignac taldetik dator. Iaz lehiatu ziren elkarren aurka Itxako eta Merignac, EHF Kopan. Frantziako junior selekzioan aritutakoa da Callave. Kontratua denboraldi baterako sinatu dute.

Era honetan, 2008/2009 denboraldirako jokalari taldea osatu du Itxakok.

Fernández eta Pedersen, Itxakora

Thu, 19 Jun 2008 09:15:54 +0000

Bi fitxaketen berri eman du prentsaurreko bidez Lizarrako Itxako Reyno de Navarrak. Begoña Fernandez Ersan Olda Prestigiotik datorren pibota eta Sissel Nygard Pedersen Mar Alicanteko zentrala. Fitxaketen arloa ez da itxita, esperientziadun atezain baten bilaka ari direla adierazi baitute. Honez gain, Nerea Pena juniorra lehen taldeko kide izatera pasako da. Taldea utziko dutenak, jakina zen bezala, Alina Jula, Eli Negrin, Ildiko Barbu eta Sang Eun Lee izango dira.

Miguel Bujanda presidentearen esanetan, azpimarragarria izan da bukatu den denboraldian klubak egin duen jauzia: gora egin dute zaletu eta behe mailako jokalarien kopuruek. Hazkunde horretan jarraitzeko lana egingo dutela esan zuen, gero eta ikastetxe gehiagorekin akordioak lotuz.

Bere aldetik, Ambros Martin entrenatzaileak esan zuen denboraldia bikaina izan dela, ohorezko matrikula ateratzeko titulu bat lortzea falta izan zaiela, ligan eta EHF kopan hurbil gelditu arren. Bukatzeko, afizioa ligako onenetakoa dela esan zuen.

Portlandek Txapeldunen Liga jokatuko du, eta Arratek, EHF Kopa

Mon, 9 Jun 2008 12:55:15 +0000

EHFk gonbidapena luzatu zion Portland San Antoniori nafarrek Txapeldunen Liga joka dezaten. Honen ondorioz, Arratek EHF Kopa jokatuko du.

Iker Serrano Matias, Arrateko jokalari berria

Tue, 27 May 2008 13:23:51 +0000

Arratek Iker Serrano Matias aurkeztu du gaur. Donostiarra da, 23 urte ditu eta Almerian jokatu du azken hiru denboraldietan, aurten Asobal ligatik jaitsi behar izan duen Almerian hain zuzen.

Defentsako bigarren lerroan aritzen da Serrano, eta bere altuera metro bat eta 92 zentimetrokoa da. 91 kilo ditu. Bi urterako fitxatu du Arratek.

Itxakok porrota jaso du Errusian (27-25)

Sat, 17 May 2008 15:07:08 +0000

Itxako Navarrak 27-25 galdu zuen Errusiako Volgoradoren aurka EHF Kopako finaleko joaneko partidan.

Etxekoak markagailuan aurretik izan ziren ia partida osoan zehar eta atsedenaldira 15-13 heldu ziren. Bigarren zatian markagailuari buelta ematen saiatu ziren nafarrak, baina garaipena Errusian geratu zen azkenean.

Bueltako neurketa maiatzaren 24an jokatuko da Lizarran 19:30etik aurrera.

- Fitxa teknikoa:

27 - Volvogrado (15+12): Sedoykhina (Karpova, ps); Khmyrova (5), Ilyukhina (2), Makarova (4), Avdekhova (-), Levina (7), Drygina (2), Stupnitskaya (-), Stepanova (-), Grebenkina (-) eta Makeeva (7).

25 - Itxako Navarra (13+12): Silvia Navarro; Barno (1), Berenguel (2), Egozkue (-), Nely Carla (-), Medeiros (2), Jula (-), Araujo (-), Mihai (3), Negrín (6), Pinedo (2), Jessica (-) eta Deonisse (9).

Markagailua bost minuturo: 2-1, 4-3, 7-7, 9-8, 10-12, 15-13 (atsedenaldia). 18-15, 21-18, 24-18, 24-19, 25-22, 27-25 (amaiera).

Portlandek laugarren bukatu du eta Arratek zazpigarren

Thu, 15 May 2008 07:22:18 +0000

-30. jardunaldiko emaitzak:

Ademar Leon 27 - Teka Cantabria 28

Algeciras 37 - Ciudad Real 33

Keymare Almeria 25 - Arrate 21

BM Antequera 32 - Fraikin Granollers 29

Octavio Pilotes 29 - CAI BM Aragoi 29

BM Tabisam Torrevieja 31 - BM Valladolid 32

Portland San Antonio 44 - S.D. Teucro 29

F.C. Bartzelona 39 - Naturhouse La Rioja 38

- Sailkapena:

.1. BM. Ciudad Real

.2. F.C. Bartzelona

.3. C.D. Ademar Leon

.4. Portland San Antonio

.5. BM. Valladolid

.6. CAI BM. Aragon

.7. J.D. Arrate

.8. Antequera

.9. Tabisam Torrevieja

.10. S.D. Teucro

11. Octavio Pilotes

12. Fraikin BM.Granollers

13. Naturhuose La Rioja

14. Teka Cantabria

15. Algeciras

16. Keymare Almeria

Julian Ruiz izango da Arrateren entrenatzailea

Thu, 8 May 2008 08:43:42 +0000

Asteazkenean Eibarko Ipurua Polikiroldegian eman prentsaurrekoan, Arratek Julian Ruiz entrenatzaile kantabriarra aurkeztu du hurrengo bi denboraldietarako. Julian Ruizek Viktor Debre ordezkatuko du. Hungariarra kluba uzteko asmoa adierazi zuen sasoi hau amaitzerako, Arraten 19 denboraldi egon ondoren.
Jokalari historiala:
- 7 denboraldi Valladolideko Michelinen
- 7 denboraldi Santanderko Tekan

Jokalari bezala lortutako tituluak:
1: Europako Kopa; 1: Liga; 1: Errege Kopa; 1: Asobal Kopa; 1: Superkopa

Entrenatzaile historiala:
- Teka 5 denboraldi (93/94, 94/95, 95/96, 96/97 eta 97/98)
- Espainiako Emakumeen Selekzioa (98/99)
- Miederbuscbach (99/00)
- Bidasoa 2 denboraldi (2000/01 eta 01/02)
- Teka 2 denboraldi eta erdi (02/03, 03/04 eta 04/05)
- Bidasoa 2 denboraldi eta erdi (mitad 04/05, 05/06 eta 06/07)