Ciudad Realek Asobal Kopako titulua erdietsi du bosgarren aldiz jarraian, nahiz eta horretarako lan handia egin behar izan zuen. Ademar saiatu zen amaiera arte, baina ezin izan zuen Ciudad Real gainditu, eta, azkenean, 25-23 galdu zuen.

Portland San Antoniok porrota jaso du Asobal Kopako finalerdietan, Ademar Leonen aurka. Gol batengatik galdu dute nafarrek (27-28). Hortaz, antonianoak lehiaketa horretatik at geratu dira. Beste finalerdian, Ciudad Realek Valladolid anfitrioia menperatu du (28-34). Beraz, Ademarrek eta Ciudad Realek jokatuko dute finala.

Portland San Antonio – Ademar Leon eta Ciudad Real – Valladolid, hauek izango dira Asobal kopako bi finalerdiak, zozketa bidez erabaki direnak

Abenduaren 22an jokatuko dira finalerdiak, arratsaldeko 18:00etan Ciudad Real eta Valladoliden artekoa, arratsaldeko 20:00etan nafarren eta Ademarren txanda izango da.

Bi irabazleek, abenduaren 23an jokatuko dute finala, arratsaldeko 18:00etatik aurrera.

Itxakok EHF Kopako bigarren kanporaketako partida jokatu zuen larunbatean Portugalgo Gil Eanes-Lagos taldearen aurka (34-18).

Emaitza horrekin hurrengo kanporaketarako txartela ia ziurtatu dute nafarrek. Bueltako partida hurrengo larunbatean jokatuko dute.

700 bat zale hurbildu ziren Lizarrerria kiroldegira partida ikusteko.