Binakao Urrezko Aizkolariak lehiaketan Donato Larretxea eta Aitzol Atutxa izan dira finalerako urratsa eman duten lehen bikotea, igandean Getxon.

Lehia bizia izan zuten Nazabal eta Mugertza II.aren kontra. Irabazleek 24’18”ko denbora egin zuten, arerioek baino 46 segundu gutxiago. Gazteen mailan, Larretxea lehengusuek lortu zuten finalerako txartela, Oihanek eta Garikoitzek, Rodríguez eta Kañamares kanporatu zituzten.

Jaialdiko protagonista nagusietakoa Inaxio Perurena izan zen, 230 kiloko harria. 17 segundu behar izan zituen altxaldi garbia eta egokia emateko, nahiz gerri parean berdindu zuenean harria apur bat irristatu eta beheruntz joan zitzaion.