Osteguneko etaparen ostean, Iker Ozkoidi da Pirena txakur lera lasterketako liderra. Aipaturiko etapan Ozkoidi hirugarren postuan helmugaratu zen. Nafarra oso lan erregularra egiten ari da, bi etapa irabazi ditu eta guztietan agertzen da lehen postuetan.

Ozkoidik 13 segunduko aldera ateratzen dio Graeme Scott eskoziarrari. Orain arte bi hauekin batera aurreko postuetan ibili den Von Gummppenberg-ek zigorra jaso du, kanpoko laguntza jasotzeagatik Baqueirako etapan, eta ondorioz sailkapeneko bostgarren posturaino atzeratu dute.

Ostiralean atseden eguna izango du Pirenak, larunbatean jarraituko dutelarik lehiarekin.