Martxoaren 23an, asteartea, hasi ziren Eibarko Unibertsitate Laboralean, Euskadiko Kadete eta Jubenil mailetako xake txapelketak, Euskal Xake Federakuntzak eta Eibarko Klub Deportiboak antolatuta. Lau herrialdeetako 41 jokalarik (24k kadete edo 16 urtez azpikoen mailan, eta 17k jubenil edo 18 urtez azpikoen mailan) hartzen dute parte larunbatean bukatu den txapelketan.

Lehenengo txanda jokatu ostean bi sorpresa nabarmendu daitezke.

Jubenil mailan, txapelketako bigarren serie-buru Bruno Villanueva leioarrak ezin izan du Bingen Urbieta garaitu eta lau orduko partida luze baten ostean bere erregea bota behar izan du.

Kadete mailan ere izan dugu sorpresarik, Hector Sanchez egungo infantil mailako txapeldunak galdu egin baitu Aitor Ramos bizkaitarraren aurkako partida. Asteartean, bi partida jokatuko dituzte, 9:30tan eta 16:00tan eta ganontzeko egunetan bakarra, 16:00tan. Jokalari bakoitzak ordu eta erdi du partida hauetan berau jokatzeko, eta egindako jokaldi bakoitzeko minutu erdi gehiago.