Beste egun batez, gaurkoan Erik Juezi irabazi ostean, Alvaro Diaz Leioako jokalaria da Eibarren jokatzen ari den Euskadiko Jubenilen Txapelketaren liderra, txanda biren faltan 4 puntu dituelarik. Sailkapenean bere atzetik Imanol Martinez burlatarra eta Haritz Garro eibartarra ditu, lehenengoak Mikel Sanz bilbotarrarekin berdindu eta bigarrenak bere taldekide Diego Olmori irabazi ostean. 5. txandan, Alvaro Diazek Imanol Martinezen aurka jokatuko du eta Haritz Garrok Erik Juezen aurka. Kadete mailako txapelketan, Asier Etxagibel arrasatearra da lider, lehenengo postua lortzeko lehian Endika Dosunari elkarren arteko partida irabazi ostean.

Atzetik 3 punturekin, Oscar Diez, Hector Sanchez, Aitor Ramos eta Endika Dosuna datoz. 5. txandan, Asier Etxagibelek Oscar Diez izango du aurrean, Hector Sanchezek Endika Dosuna eta Aitor Ramosek Edu Olabe.