Eneko Llanos bigarren postuan sailkatu zen Avia Wildflower triatloi entzutetsuan, distantzia olinpiko bikoitza zuen lasterketak, hau da, Iron Man erdi bat: 1,9 kilometro igerian, 90 bizikletan, eta 21 korrika. Hector Llanos hamalaugarren iritsi zen helmugara, lasterketan zehar arnasa ondo hartzeko arazoak jasan ondoren. Chris McCormack australiarrak irabazi zuen proba, Hawaiko Iron Man munduko txapelketan garaile izandakoak. 4 ordu eta 33 minutuko denbora egin zuen irabazleak, eta 19 segundura iritsi zen Eneko. Korrikako azken metroetan soilik utzi ahal izan zuen atzean.