Emozioa azken minuturaino bizi izan dugu Eibarren jokatu diren Euskadiko Kadete eta Jubenil mailako xake txapelketetan.

Kadete mailan, bukatzen azkena izan den partidak erabaki du txapeldun berria. Oscar Diez eta Hector Sanchezek jokatu dutena izan da azken txandako partidarik luzeena, 4 ordu ingurukoan, eta bertan garaile suertatu den Oscar Diezek lortu du, 5 punturekin, Euskadiko Kadeteen Txapela.

Bigarren mahaian, Julen Garro eibartarrak, Asier Etxagibel, txapelketan zehar buruan joan den arrasatearra menpean hartu eta bigarren postua lortu du 4.5 punturekin. Hirugarren postua Etxagibelentzat izan da.

Emakumeetan, Leire Cruz donostiarra izan da txapelduna eta azpitxapelduna Oihana Etxenike anoetarra.

 Jubenilen mailan Alvaro Diazen nagusitasuna guztizkoa izan da, jokatutako partida guztiak irabazi baititu, Haritz Garro eibartarrarekin jokatutako azkena barne. Bigarren mahaian Alberto Garcia gasteiztarrari irabazi ondoren Imanol Martinez gelditu da bigarren postuan eta hirugarrenean Haritz Garro, azken bi hauek 4 punturekin berdinduta.

Emakumeetan, Nekane Cuetos izan da txapelduna eta Marina Sevilla azpitxapelduna. Txapelketaren datu guztiak Emakumeen Euskadiko Txapelketaren finala ere jokatu da, bertan Isabel Menoyo izan da garaile eta Eider Velasco azpitxapeldun.

Argazkia ikusi

Diego Olmo eibartarrari 3. txandako partida irabazi ostean, Alvaro Diez, egungo Euskadiko Jubenilen Txapelduna da Euskadiko Jubenilen Txapelketaren liderra 3 punturekin. Defentsa siziliar batekin hasi den partida luze baten ondoren, eibartarrak etsi egin behar izan du, ezin baitzuen besterik egin leioarraren erasoaren aurren. Alvarok puntu erdiko aldea ateratzen die Imanol Martinez (Burlata) eta Erik Juez (Zarautz), sailkapenean bere atzetik datozeneri.  

Osteguneko 4. txandan, Alvarok, Erik Juez izango du aurrean eta Imanol Martinezek Mikel Sanz bilbotarra. Kadeteen txapelketan, bi dira puntu guztiak lortu dituzten jokalari bakarrak, Asier Etxagibel (Arrasate) eta Endika Dosuna (Bilbao). Etxagibelek arazo handirik gabe irabazi du Aitor Ramosen aurkako partida eta Endika Dosunak gauza bera egin du Julen Garro eibartarraren aurka, oraingoan eibartarrak denborarekin izan dituen arazoak aprobetxatuz.  

Osteguneko 4. txandan, liderrek euren aurka jokatuko dute eta euren atzetik datozen Edu Olabe eta David Oriven (3. txandan berdindu ostean 2.5 puntu dituzte), Hector Sanchez eta Oscar Diez izango dituzte aurrean, hurrenez hurren.

Argazkia ikusi

Atletismo Santutxu taldea Euskadiko emakumezko talderik onena izan da denboraldi honetan, eta baita Estatuko onenetarikoa ere, sortu eta urtebetera, besteak beste, zenbait erakundek emandako laguntzei esker; izan ere, kirol hau emakumeen artean gara dadin inplikatu baitira.

Hala, Bilboko Udalak eta Bilbao Kirolak elkarteak hasieratik izan dute konfiantza proiektu honetan, eta dagoeneko 12 atleta ditu, iazko seiren aldean: Amaia Piedra, Cristina Petite, Mariem Alaoui, Virginia Berasategui, Dolores Pulido, Rakel Llamas, Teresa Recio, Beatriz Santiago, Laura Fernandez, Maider Fernandez, Inmaculada Rafael y Iraia Garcia.

Lurralde eta autonomi txapelketan podiumak lortzearen helburua soberan bete da, Atletismo Santutxu taldea Bizkaiko eta Euskadiko talderik onena izan baita. Bestalde, kluben arteko Espainiako kros txapelketan, Jerez del a Fronteran, laugarren postuan sailkatu zen. Gainera, Mariem Alaouik garaipena lortu zuen banakako proban.