James Theodoro Mattos, 'Jaiminho', MRA Navarrako jokalari brasildarrak Petropolis taldean jokatuko du utzita. Jaiminho ez zen Imanol Arregi entrenatzailearen hasierako taldeetan sartzen eta oraindik bi urteko kontratua dauka Nafarroako taldearekin. Bi taldeen arteko akordioa erabatekoa da eta jokalariak baimena eman du.

Hamaika jardunaldi jokatu dituzte areto-futboleko Ohorezko Mailan. MRA Navarra ondo ari da, sailkapeneko laugarren postuan baitago, 19 puntu lortuta. 5 partida irabazi dituzte nafarrek, 4 berdindu eta soilik 2 galdu.

Datorren asteburuan partida zaila izango dute nafarrek, bigarren sailkaturik dagoen Interviu Fadesari egingo diote bisita.

Taldeko bi golegile onenak Joel eta Lukaian dira, bederatzina gol sartu dituzte.

Larunbatean, arratsaldeko 18:00etan eta Leioako Askartza polikiroldegian, euskal derbia jokatuko da Lehen Mailan.

Aurrez aurre waterpoloko talderik onenak. Bizkaitarrak, lehen jardunaldian galdu ostean, lehenengo garaipena bilatuko dute bere zaleen aurrean. Nafarrak, ordea, bigarren garaipena nahi dute sailkapeneko lidergoa eskuratu ahal izateko.

Askartza: Badia, Pirela, Pajuelo, Martínez de Osaba, Julián, Fernández, Sáez, Olabe, Flaviano, Larrazabal, Ogara, Orozko eta Pérez.

WP Navarra: Stanton, Castells, Esparza, Esteban, Arriazu, J. Zabalza, Reta, M. Artola, Klapan, J. Artola, Zamarbide, Matutinovic eta Ibero.

Informazio gehiago waterpolo, el blog-ean