5 GM SPRAGGETT Kevin         2601  8
 22 GM GOMEZ ESTEBAN Mario     2503  7½
 75    LAKUNZA PLAZAOLA Asier  2039  6½
 94 GM DE LA VILLA Jesus Maria 2458  6½
112    ZULAIKA CENTENO Ander   2056  6
128    VILLANUEVA Bruno        1981  6
130    MARTIN ALVAREZ Inigo    2200  6
132    GARRO BERAZA Haritz     1999  6
133    AGIRRETXE Jesus         2170  6
136    PRIETO ARANGUREN Alain  2158  6
140 IM HUERGA LEACHE Mikel     2433  6
169    ANGULO MARTINEZ Jon     2206  5½
172    CORRAL SIERRA Javier    2114  5½
176    VIÑAL GUTIERREZ Pedro   2091  5½
181    SAMPEDRO Jose Luis      1855  5½
188    DIAZ HERRERO Alvaro     2034  5½
192    WU MARTIN Eneko         2068  5½
195    UGALDE Jose Miguel      2193  5½
196    ROVIRALTA MONTERO Axel  2027  5½
214    ZAMARBIDE Daniel        2017  5
220    AIZPURUA ZUFIRIA Inaki  1675  5
235    FERNANDEZ MARTIN Sergio    0  5
241    GALARZA CENZANO Inigo   1995  5
243    HERRAN CASTRO Aitor        0  5
244    FERNANDEZ ZUBITUR Jokin 1749  5
253    IZA ABETE Amaia         2028  5
256    JUEZ VILLAR Erik        1912  5
268    MARCHENA HURTADO Ander  1729  5
275    ALVARADO Mikel          1999  4½
284    OLMO VEGA Diego         1978  4½
285    GARCIA RODRIGUEZ Iñaki  2026  4½
286    SANCHEZ RUESGA Hector   1746  4½
287    SAEZ Oscar              2014  4½
288    SALTERAIN Galder        1966  4½
291    ETXAGIBEL Asier         1887  4½
292    AGUDO TENA Angel        1950  4½
301    GONZALEZ LLANO Federico    0  4½
304    GARCIA SAN MARTIN Alb.  1946  4½
309    SANZ RODERO Mikel       1982  4½
323    ORIVE MIGUEL David         0  4½
338    GARRIDO FERNANDEZ David 2005  4½
339    D ANNA RAZZETTI Juan P.    0  4½
342    GARRO BERAZA Julen      1793  4
344    VIRTO ALUSTIZA Aingeru  1906  4
347    URBIETA ALDALUR Bingen  1785  4
348    OLABE ODRIOZOLA Eduardo 1728  4
349    EZKERRO HERNANDEZ Pablo 1836  4
356    IZAGIRRE ALSUA Aritz    1778  4
360    ESPIN LABORDE Jesus M.  1811  4
363    AGUINAGA RUIZ Jesus L.  2023  4
382    COTTA ESNAOLA Andoni       0  4
394    SAENZ ZABALA Juan Ig.   1857  4
397    GONZALEZ SAGASTI Jon A. 1794  4
407    SALAS MARTIN Javier     1763  3½
412    BARRIENTOS GONZALEZ And 1808  3½
421    FERNANDEZ LOSADA Ovidio    0  3½
426    ALCAIDE RODRIGUEZ Mikel 1690  3½
431    IZQUIERDO ARRUFERIA J.  1763  3½
438    COBOS URBINA Enrique    1936  3
444    ARETXABALETA SAEZ Julen 1662  3
465    LANIELLA FERNANDEZ Ivan    0  2½
478    ALBERDI JARIT Gaizka    1638  2½
482    SAIZ LOPEZ Laura           0  2½
489    MARCOS RUIZ Uxue           0  2
       MARTIARENA Eneko        2015  0
       ZUBIA ARAMBURU Mikel    1901  0
       CRUZ OLABE Leire           0  0

Donostiako Gros Xake Taldeak irabazi zuen larunbat arratsaldean Eibarko Untzaga plazan jokatu zen Eibarko Hiria 24. partida azkarren txapelketa. 18 talde eta 72 jokalariren parteahartzearekin, 4 ordu baino gehiago iraun zuen txapelketa jokatu zen Eibarren, arratsaldeko 16:30ak eta 20:30ak bitartean.

Santiago González de la Torre, Iñigo Argandoña, Ivan Muñoz eta Luis Olaizolak osatutako taldeak 59.5 puntu lortu zituen 17 partida jokatu ostean. Euren atzetik, Errenteriako Fomento Cultural sailkatu zen 58.5 punturekin eta hirugarren postuan Gasteizko San Viator 49 punturekin.

Eibarko Klub Deportiboko taldeei dagokienez, Diego Olmo, Haritz Garro, Emilio José Freire eta Edu Olabek osatutako lehenengo taldeak 10. postuan bukatu zuen txapelketa 32.5 punturekin. Manuel López, Pedro del Amo, Mikel Baena, Galder Irisarri, Ander Egurrola eta Julen Egurrolak osatutako bigarren taldeak 7.5 puntu lortu zituen eta azkenengo postuan sailkatu zen.

Mahai bakoitzeko jokalari onenen sariak hauek izan ziren:

• 1. mahaia: Santiago González de la Torre (Gros Xake Taldea), 16 puntu
• 2. mahaia: Jesus Mari Agirretxe (Fomento Cultural), 16 puntu
• 3. mahaia: Ivan Muñoz (Gros Xake Taldea), 15 puntu
• 4. mahaia: Jose Ramon Ros (Fomento Cultural), 15.5 puntu

Sari banaketan, Eibarko Klub Deportiboko presidente Mikel Larreategi, Eibarko Udaleko kirol zinegotzi Ana Rodriguez eta Margari Olañeta (Jose Mari Kruzetaren alarguna) izan ziren.

Txapelketaren datu guztiak Chess-results webgunean aurkitu ditzakezu.

San Juan jaietan sartuta, datorren larunbatean, ekainaren 28an jokatuko da 16:00retatik aurrera Untzaga plazan Eibarko Hiria partida azkarren txapelketa. 18 talderen parte hartzea dago aurrikusita txapelketan, besteak beste azken urteetako garaileak, Donostiako Gros Xake Taldea eta Errenteriako Fomento Cultural, bertan izango dira, eta baita, gure inguruko zein Irun, Gasteiz edo Castroko taldeak ere.

Tagzaniatik hartutako mapa honetan ikus ditzakezue txapelketaren puntu interesgarrienak. Txintxeta bakoitzean klik eginda puntu bakoitzean izango dena ikusiko duzue.

xxiiciudaddeeibar tagged map - Tagzania

Arratsalde guztian zehar Untzaga plazan jokatuko den Txapelketa honetan, 5 minutuko partidak jokatzen dituzte jokalariek 4 kidez osatutako taldeetan, talde guztiak talde guztien aurka jokatuz. 5 minutuko partida horiek, xakean ikus daitekeen jokatzeko era ikusgarriena agertarazten dute, partida bizi-bizi eta ikusgarriak sortuz. Zita beraz, Untzaga plazan da, larunbatean 16:00tan.

Emozioa azken minuturaino bizi izan dugu Eibarren jokatu diren Euskadiko Kadete eta Jubenil mailako xake txapelketetan.

Kadete mailan, bukatzen azkena izan den partidak erabaki du txapeldun berria. Oscar Diez eta Hector Sanchezek jokatu dutena izan da azken txandako partidarik luzeena, 4 ordu ingurukoan, eta bertan garaile suertatu den Oscar Diezek lortu du, 5 punturekin, Euskadiko Kadeteen Txapela.

Bigarren mahaian, Julen Garro eibartarrak, Asier Etxagibel, txapelketan zehar buruan joan den arrasatearra menpean hartu eta bigarren postua lortu du 4.5 punturekin. Hirugarren postua Etxagibelentzat izan da.

Emakumeetan, Leire Cruz donostiarra izan da txapelduna eta azpitxapelduna Oihana Etxenike anoetarra.

 Jubenilen mailan Alvaro Diazen nagusitasuna guztizkoa izan da, jokatutako partida guztiak irabazi baititu, Haritz Garro eibartarrarekin jokatutako azkena barne. Bigarren mahaian Alberto Garcia gasteiztarrari irabazi ondoren Imanol Martinez gelditu da bigarren postuan eta hirugarrenean Haritz Garro, azken bi hauek 4 punturekin berdinduta.

Emakumeetan, Nekane Cuetos izan da txapelduna eta Marina Sevilla azpitxapelduna. Txapelketaren datu guztiak Emakumeen Euskadiko Txapelketaren finala ere jokatu da, bertan Isabel Menoyo izan da garaile eta Eider Velasco azpitxapeldun.

Diego Olmo eibartarrari 3. txandako partida irabazi ostean, Alvaro Diez, egungo Euskadiko Jubenilen Txapelduna da Euskadiko Jubenilen Txapelketaren liderra 3 punturekin. Defentsa siziliar batekin hasi den partida luze baten ondoren, eibartarrak etsi egin behar izan du, ezin baitzuen besterik egin leioarraren erasoaren aurren. Alvarok puntu erdiko aldea ateratzen die Imanol Martinez (Burlata) eta Erik Juez (Zarautz), sailkapenean bere atzetik datozeneri.  

Osteguneko 4. txandan, Alvarok, Erik Juez izango du aurrean eta Imanol Martinezek Mikel Sanz bilbotarra. Kadeteen txapelketan, bi dira puntu guztiak lortu dituzten jokalari bakarrak, Asier Etxagibel (Arrasate) eta Endika Dosuna (Bilbao). Etxagibelek arazo handirik gabe irabazi du Aitor Ramosen aurkako partida eta Endika Dosunak gauza bera egin du Julen Garro eibartarraren aurka, oraingoan eibartarrak denborarekin izan dituen arazoak aprobetxatuz.  

Osteguneko 4. txandan, liderrek euren aurka jokatuko dute eta euren atzetik datozen Edu Olabe eta David Oriven (3. txandan berdindu ostean 2.5 puntu dituzte), Hector Sanchez eta Oscar Diez izango dituzte aurrean, hurrenez hurren.

Ivan Salgado galiziar gaztea izan zen 7,5 punturekin Donostiako XXXI. Nazioarteko Xake Txapelketaren garailea. Nazioarteko Maisu galiziarrak puntu erdiko aldea zuen bere aurkariekiko eta nahikoa zuen bere partida berdintzearekin txapela etxera eramateko eta horrela izan zen.  

Pablo San Segundo Maisu Handi madrildarrarekin bederatzi jokaldiren ostean berdindu ostean, eta bere aurkariek euren partidak irabazi ez zituztenez, puntu erdiko aldea atera zien atzetik gelditu ziren bost jokalariei.  

Bere atzetik zetozen Spragguet eta Lafuentek berdindu egin zuten euren arteko partida, eta Alberto Andres asturiarrak Alsina kataluniarrarekin ere berdindu egin zuen. Atzerago zetozen Cifuentes eta Del Riok, Bellia eta Lopez garaitu arren, ez zuten nahikoa izan Salgado harrapatzeko.  

Bertako jokalariei dagokienez, Argandoña donostiarrak Joan Manuel Puerto garaitu zuen eta Juan Ignacio Alonsok Recuero asturiarraren aurka galdu egin zuen. Jokalari gipuzkoar onenarentzako Kutxa saria, Juan Ignacio Alonsorentzat izan zen. 

 Webgune ofiziala.  

Argazkiak

Iñigo Argandoña Nazioarteko Maisuak, zazpigarrenez lortu du Gipuzkoako Txapelketa Nagusia irabaztea, azken ordura arte emozioa izan zen nagusi Billabonan, baina beste urtebetez txapelduna dugu Argandoña. Lehenengo mahaian Alcaide eta Sanz zeuden aurrez aurre, biak ere biak partidarik galdu gabe. Partida interesgarria izan zen bien artekoa, lehenengoak partida irabazi egin behar zuen txapelketa bereganatzeko, eta bigarrenak berdinketa nahikoa zuen podiumean postua eta Euskadiko Txapelketarako txartela lortzeko. Presioa halakoa izan zen, ezen Alcaidek berdinketarekin konformatu behar izan zuen, Sanzek, abantaila zuenean, berdinketa eskaini zuenean.

Bigarren mahaian, Argandoñak txapelketako sorpresa izan den Garridoren aurka jokatu zuen partida, baina oraingoan Garridok, maila ona erakutsi arren, ezin izan zuen txapelduna garaitu. Lehenengo mahaiko berdinketaren ostean, kostatako garaipena lortu zuen Argandoñak, eta ondorioz 7. txapela eskuratu. Nabarmentzekoa da, 4., 5. eta 6. postuak jokoan izan zituzten gazte-taldea.

Azkenean Iñigo Martin, Asier Lakunza eta Haritz Garro sailkatu ziren postuotan, Diego Olmo, Jon Argandoña eta Ander Zulaika garaitu ostean, hurrenez hurren. Lakunza eta Garro 1go mailako jokalariak izanik eta sari handiagoa lortu zutenez, 1go mailako lehenengo bi sailkatuei zegozkien sariak, David Garrido eta Claudio Mendikuterentzat izan ziren. Donostiako Bigarren Mailakoan, Sergio Lanzek Sebastian Armendarizekin berdintzea nahikoa izan zuen Txapela eta 1go mailarako igoera lortzeko. Lanzekin batera, Mikel Astigarraga, Fernando Markina eta Pablo Ezkerro igo dira mailaz. Azkoitian, azkenengo txandan dena erabakitzeke zegoen, eta azkenean Aitor Priya eta Hector Sanchezek lortu zuten mailaz igotzea, lehenak Anibal Fernandez garaitu eta bigarrenak Aitor Arroitajauregirekin berdindu ostean.

Donostiako Hirugarren mailakoan, Arturo Ramon eta Jokin Fernandez, sailkapenean berdinduta gelditu ziren 6 punturekin. Eurekin batera, Juan Pablo D’Anna, Gorka Villar eta Christian Sanchezek lortu dute 2. mailarako igoera. Azkoitian, Edu Olabek/ txapelketa partida guztiak irabazita bukatu du txapelketa. Berarekin batera, Igor Aranbarri igo da 2. mailara, azkenengo txandan Bruno Belarri partida irabazi eta desberdintze koefizienteagatik 2. postuan sailkatu ostean. Kadeteen txapelketak, Asier Etxagibelek ez zuen arazo handirik izan Philippe Bayrakdar garaitu eta txapela janzteko. Bigarren mahaian aldiz, Edu Olabek Oscar Diazen aurka galdu egin zuen eta 4. postuan sailkatu zen, Diazen beraren atzetik.

Bigarren postua Julen Garrorentzat izan zen, Juan Pablo D’Anna garaitu ostean. Mailakako Txapelketak larunbatetan jokatzen dira 16:00tatik aurrera eta Kadeteen txapelketa igandeetan 10:00tatik aurrera. Guztietan jokalari bakoitzak ordu eta erdi du partida jokatzeko eta egiten duen jokaldi bakoitzeko 30 segundo gehitzen zaizkio erlojuari automatikoki.

Informazio gehiago Gipuzkoako Xake Federakuntzaren webgunean

Gipuzkoako Bakarkako Txapelketa Nagusia bere azkenetan da, eta hiru dira, txanda baten faltan, txapelketa irabazteko aukerak dituzten jokalariak. Larunbatean jokatutako 6. txanda, gogorra izan zen. Lehenengo mahaian, Sanz eta Argandoñakberdindu egin zuten euren arteko neurketa, Easo Xake Taldeko jokalariak anbizio falta erakutsi zuen partidan. Jardunaldiko beste partida interesgarria, ordura arte partidarik galdu ez zuten Alcaide eta Martin gaztearen artekoa zen.

Atxabaltarrak, donostiarrak denborarekin izan ohi duen arazoa aprobetxatu eta erreginaren aldea erabili zuen aurkariaren erregearen aurkako eraso polit bat bultzatu eta partida bereganatzeko. Hirugarren mahaian, txapelketako sorpresa izan diren Lakunza eta Garridoren arteko partida jokatu zen. Partidan zehar ordiziarrak abantaila lortuko zuela iruditu arren, Garridok, beste behin, denbora urriko momentuan partidaren bukaera bikaina jokatu eta berdinketa lortu zuen.

Euren atzetik zetorren 3 puntudun jokalarien artean, Zulaika, Mendikute, Garro, Arana, Olmo eta Jon Argandoñak lortu zituzten berdinketak, eta beraz Martin eta Lakunzarekin batera 4 puntu dituzte sailkapenean. Aurretik daude, Alcaide 5 punturekin, eta Argandoña, Sanz eta Garrido 4.5 punturekin. Azken txandan Alcaidek Sanz-en aurka jokatuko du, eta Argandoñak Garridoren aurka. Alcaidek irabazten badu, bera izango da txapeldun; Alcaide eta Sanzek berdinketa egiten badute, Alcaide litzateke txapeldun, Argandoñak bere partida irabazten ez badu, aurkako kasuan Argandoña bera litzateke txapeldun Donostiako Bigarren mailako txapelketan lehenengo mahaian jokatu zen liderren arteko partida Sergio Lanzen aldekoa izan zen eta partida luze baten ondoren garaitu zuen Fernando Markina.

Txanda bakarraren faltan, Lanz da lider 5 punturekin, eta atzetik ditu, 4.5 punturekin, Iñaki Muñoz eta Mikel Astigarraga. Azkoitiko Bigarren mailakoan, asteburuko emaitzen ondorioz, lau jokalari daude lidergoan 3.5 punturekin eta elkarren artean jokatu beharko dute azkenengo txanda: Hector Sanchezek Aitor Arroitajauregi izango du aurrean, eta Aitor Priyak Anibal Fernandez. Donostiako hirugarren mailakoan, Jokin Fernandez da beste astebetez liderra, 5.5 punturekin, Gorka Villaren aurkako partida irabazi ostean. Bere atzetik datoz 5 punturekin, Arturo Ramon eta Juan Pablo D’Anna. Azkoitiko 3. mailako Txapelketan, Edu Olabe eibartarrak darrai lidergoan, asteburuan jokatutako partida irabazi ostean. Eibartarrak ez du partidarik galdu eta berau izango da txapelduna sorpresa handirik ezean.

Bere atzetik datozen Bruno Belar, Asier Peñagarikano eta Igor Aranbarriren artean erabakiko da nor izango den igoera lortuko duen bigarren jokalaria. Errenteriako Fomento Culturalek antolatutako 16 urtez azpikoen txapelketan, asteburuan ez da partidarik jokatu eta Asier Etxagibel (Arrasate-San Andres Xake Elkartea) eta Edu Olabe (Eibarko Klub Deportiboa) daude lidergoan 4.5 punturekin, atzetik datozen 4 jokalariengandik puntu bakarrera. Hurrengo eta azken txanda, igandean jokatuko da 10:00etatik aurrera eta Etxagibelek Philipe Bayrakdar donostiarra izango du aurrean eta Olabek Oscar Diez irundarra.

Igandean, Anaitasuna-Kakute Xake Taldeak eta Gipuzkoako Xake Federazioak antolatuta, Gazteentzako xake aktiboko 1go jaialdia jokatu zen Azkoitian. Guztira 60 jokalari gazte bildu zituen txapelketa, adinka bi taldetan banatuta jokatu zen, 16 urtez azpikoak eta 16 eta 20 urte artekoak. 20 urtez azpikoetan Haritz Garro (Eibarko Klub Deportiboa) izan zen garaile 5 punturekin.

Bere atzetik etorri ziren Erik Juez (Zarautz Kirol Elkartea) 4.5 punturekin eta Iñigo Martin (Gros Xake Taldea), Galder Salterain (Gros Xake Taldea) eta Diego Olmo (Eibarko Klub Deportiboa) 4 punturekin. 16 urtez azpikoetan, Asier Etxagibel (Arrasate-San Andres Xake Elkartea) izan zen txapeldun, Oscar Diez (Gros Xake Taldea) bigarrenarekin 6.5 puntura berdinduta. Atzetik Eduardo Olabe (Eibarko Klub Deportiboa), Gaizka Alberdi (Anaitasuna-Kakute Xake Taldea), Hector Sanchez (Anaitasuna-Kakute Xake Taldea), Julen Garro (Eibarko Klub Deportiboa) y Asier Pedrera (Errenteriako Fomento-Cultural) gelditu ziren, guztiak 5 punturekin. Mailakako Txapelketak larunbatetan jokatzen dira 16:00tatik aurrera eta Kadeteen txapelketa igandeetan 10:00tatik aurrera. Guztietan jokalari bakoitzak ordu eta erdi du partida jokatzeko eta egiten duen jokaldi bakoitzeko 30 segundo gehitzen zaizkio erlojuari automatikoki.