Emozioa azken minuturaino bizi izan dugu Eibarren jokatu diren Euskadiko Kadete eta Jubenil mailako xake txapelketetan.

Kadete mailan, bukatzen azkena izan den partidak erabaki du txapeldun berria. Oscar Diez eta Hector Sanchezek jokatu dutena izan da azken txandako partidarik luzeena, 4 ordu ingurukoan, eta bertan garaile suertatu den Oscar Diezek lortu du, 5 punturekin, Euskadiko Kadeteen Txapela.

Bigarren mahaian, Julen Garro eibartarrak, Asier Etxagibel, txapelketan zehar buruan joan den arrasatearra menpean hartu eta bigarren postua lortu du 4.5 punturekin. Hirugarren postua Etxagibelentzat izan da.

Emakumeetan, Leire Cruz donostiarra izan da txapelduna eta azpitxapelduna Oihana Etxenike anoetarra.

 Jubenilen mailan Alvaro Diazen nagusitasuna guztizkoa izan da, jokatutako partida guztiak irabazi baititu, Haritz Garro eibartarrarekin jokatutako azkena barne. Bigarren mahaian Alberto Garcia gasteiztarrari irabazi ondoren Imanol Martinez gelditu da bigarren postuan eta hirugarrenean Haritz Garro, azken bi hauek 4 punturekin berdinduta.

Emakumeetan, Nekane Cuetos izan da txapelduna eta Marina Sevilla azpitxapelduna. Txapelketaren datu guztiak Emakumeen Euskadiko Txapelketaren finala ere jokatu da, bertan Isabel Menoyo izan da garaile eta Eider Velasco azpitxapeldun.

Diego Olmo eibartarrari 3. txandako partida irabazi ostean, Alvaro Diez, egungo Euskadiko Jubenilen Txapelduna da Euskadiko Jubenilen Txapelketaren liderra 3 punturekin. Defentsa siziliar batekin hasi den partida luze baten ondoren, eibartarrak etsi egin behar izan du, ezin baitzuen besterik egin leioarraren erasoaren aurren. Alvarok puntu erdiko aldea ateratzen die Imanol Martinez (Burlata) eta Erik Juez (Zarautz), sailkapenean bere atzetik datozeneri.  

Osteguneko 4. txandan, Alvarok, Erik Juez izango du aurrean eta Imanol Martinezek Mikel Sanz bilbotarra. Kadeteen txapelketan, bi dira puntu guztiak lortu dituzten jokalari bakarrak, Asier Etxagibel (Arrasate) eta Endika Dosuna (Bilbao). Etxagibelek arazo handirik gabe irabazi du Aitor Ramosen aurkako partida eta Endika Dosunak gauza bera egin du Julen Garro eibartarraren aurka, oraingoan eibartarrak denborarekin izan dituen arazoak aprobetxatuz.  

Osteguneko 4. txandan, liderrek euren aurka jokatuko dute eta euren atzetik datozen Edu Olabe eta David Oriven (3. txandan berdindu ostean 2.5 puntu dituzte), Hector Sanchez eta Oscar Diez izango dituzte aurrean, hurrenez hurren.

Ivan Salgado galiziar gaztea izan zen 7,5 punturekin Donostiako XXXI. Nazioarteko Xake Txapelketaren garailea. Nazioarteko Maisu galiziarrak puntu erdiko aldea zuen bere aurkariekiko eta nahikoa zuen bere partida berdintzearekin txapela etxera eramateko eta horrela izan zen.  

Pablo San Segundo Maisu Handi madrildarrarekin bederatzi jokaldiren ostean berdindu ostean, eta bere aurkariek euren partidak irabazi ez zituztenez, puntu erdiko aldea atera zien atzetik gelditu ziren bost jokalariei.  

Bere atzetik zetozen Spragguet eta Lafuentek berdindu egin zuten euren arteko partida, eta Alberto Andres asturiarrak Alsina kataluniarrarekin ere berdindu egin zuen. Atzerago zetozen Cifuentes eta Del Riok, Bellia eta Lopez garaitu arren, ez zuten nahikoa izan Salgado harrapatzeko.  

Bertako jokalariei dagokienez, Argandoña donostiarrak Joan Manuel Puerto garaitu zuen eta Juan Ignacio Alonsok Recuero asturiarraren aurka galdu egin zuen. Jokalari gipuzkoar onenarentzako Kutxa saria, Juan Ignacio Alonsorentzat izan zen. 

 Webgune ofiziala.  

Argazkiak

Iñigo Argandoña Nazioarteko Maisuak, zazpigarrenez lortu du Gipuzkoako Txapelketa Nagusia irabaztea, azken ordura arte emozioa izan zen nagusi Billabonan, baina beste urtebetez txapelduna dugu Argandoña. Lehenengo mahaian Alcaide eta Sanz zeuden aurrez aurre, biak ere biak partidarik galdu gabe. Partida interesgarria izan zen bien artekoa, lehenengoak partida irabazi egin behar zuen txapelketa bereganatzeko, eta bigarrenak berdinketa nahikoa zuen podiumean postua eta Euskadiko Txapelketarako txartela lortzeko. Presioa halakoa izan zen, ezen Alcaidek berdinketarekin konformatu behar izan zuen, Sanzek, abantaila zuenean, berdinketa eskaini zuenean.

Bigarren mahaian, Argandoñak txapelketako sorpresa izan den Garridoren aurka jokatu zuen partida, baina oraingoan Garridok, maila ona erakutsi arren, ezin izan zuen txapelduna garaitu. Lehenengo mahaiko berdinketaren ostean, kostatako garaipena lortu zuen Argandoñak, eta ondorioz 7. txapela eskuratu. Nabarmentzekoa da, 4., 5. eta 6. postuak jokoan izan zituzten gazte-taldea.

Azkenean Iñigo Martin, Asier Lakunza eta Haritz Garro sailkatu ziren postuotan, Diego Olmo, Jon Argandoña eta Ander Zulaika garaitu ostean, hurrenez hurren. Lakunza eta Garro 1go mailako jokalariak izanik eta sari handiagoa lortu zutenez, 1go mailako lehenengo bi sailkatuei zegozkien sariak, David Garrido eta Claudio Mendikuterentzat izan ziren. Donostiako Bigarren Mailakoan, Sergio Lanzek Sebastian Armendarizekin berdintzea nahikoa izan zuen Txapela eta 1go mailarako igoera lortzeko. Lanzekin batera, Mikel Astigarraga, Fernando Markina eta Pablo Ezkerro igo dira mailaz. Azkoitian, azkenengo txandan dena erabakitzeke zegoen, eta azkenean Aitor Priya eta Hector Sanchezek lortu zuten mailaz igotzea, lehenak Anibal Fernandez garaitu eta bigarrenak Aitor Arroitajauregirekin berdindu ostean.

Donostiako Hirugarren mailakoan, Arturo Ramon eta Jokin Fernandez, sailkapenean berdinduta gelditu ziren 6 punturekin. Eurekin batera, Juan Pablo D’Anna, Gorka Villar eta Christian Sanchezek lortu dute 2. mailarako igoera. Azkoitian, Edu Olabek/ txapelketa partida guztiak irabazita bukatu du txapelketa. Berarekin batera, Igor Aranbarri igo da 2. mailara, azkenengo txandan Bruno Belarri partida irabazi eta desberdintze koefizienteagatik 2. postuan sailkatu ostean. Kadeteen txapelketak, Asier Etxagibelek ez zuen arazo handirik izan Philippe Bayrakdar garaitu eta txapela janzteko. Bigarren mahaian aldiz, Edu Olabek Oscar Diazen aurka galdu egin zuen eta 4. postuan sailkatu zen, Diazen beraren atzetik.

Bigarren postua Julen Garrorentzat izan zen, Juan Pablo D’Anna garaitu ostean. Mailakako Txapelketak larunbatetan jokatzen dira 16:00tatik aurrera eta Kadeteen txapelketa igandeetan 10:00tatik aurrera. Guztietan jokalari bakoitzak ordu eta erdi du partida jokatzeko eta egiten duen jokaldi bakoitzeko 30 segundo gehitzen zaizkio erlojuari automatikoki.

Informazio gehiago Gipuzkoako Xake Federakuntzaren webgunean

Gipuzkoako Bakarkako Txapelketa Nagusia bere azkenetan da, eta hiru dira, txanda baten faltan, txapelketa irabazteko aukerak dituzten jokalariak. Larunbatean jokatutako 6. txanda, gogorra izan zen. Lehenengo mahaian, Sanz eta Argandoñakberdindu egin zuten euren arteko neurketa, Easo Xake Taldeko jokalariak anbizio falta erakutsi zuen partidan. Jardunaldiko beste partida interesgarria, ordura arte partidarik galdu ez zuten Alcaide eta Martin gaztearen artekoa zen.

Atxabaltarrak, donostiarrak denborarekin izan ohi duen arazoa aprobetxatu eta erreginaren aldea erabili zuen aurkariaren erregearen aurkako eraso polit bat bultzatu eta partida bereganatzeko. Hirugarren mahaian, txapelketako sorpresa izan diren Lakunza eta Garridoren arteko partida jokatu zen. Partidan zehar ordiziarrak abantaila lortuko zuela iruditu arren, Garridok, beste behin, denbora urriko momentuan partidaren bukaera bikaina jokatu eta berdinketa lortu zuen.

Euren atzetik zetorren 3 puntudun jokalarien artean, Zulaika, Mendikute, Garro, Arana, Olmo eta Jon Argandoñak lortu zituzten berdinketak, eta beraz Martin eta Lakunzarekin batera 4 puntu dituzte sailkapenean. Aurretik daude, Alcaide 5 punturekin, eta Argandoña, Sanz eta Garrido 4.5 punturekin. Azken txandan Alcaidek Sanz-en aurka jokatuko du, eta Argandoñak Garridoren aurka. Alcaidek irabazten badu, bera izango da txapeldun; Alcaide eta Sanzek berdinketa egiten badute, Alcaide litzateke txapeldun, Argandoñak bere partida irabazten ez badu, aurkako kasuan Argandoña bera litzateke txapeldun Donostiako Bigarren mailako txapelketan lehenengo mahaian jokatu zen liderren arteko partida Sergio Lanzen aldekoa izan zen eta partida luze baten ondoren garaitu zuen Fernando Markina.

Txanda bakarraren faltan, Lanz da lider 5 punturekin, eta atzetik ditu, 4.5 punturekin, Iñaki Muñoz eta Mikel Astigarraga. Azkoitiko Bigarren mailakoan, asteburuko emaitzen ondorioz, lau jokalari daude lidergoan 3.5 punturekin eta elkarren artean jokatu beharko dute azkenengo txanda: Hector Sanchezek Aitor Arroitajauregi izango du aurrean, eta Aitor Priyak Anibal Fernandez. Donostiako hirugarren mailakoan, Jokin Fernandez da beste astebetez liderra, 5.5 punturekin, Gorka Villaren aurkako partida irabazi ostean. Bere atzetik datoz 5 punturekin, Arturo Ramon eta Juan Pablo D’Anna. Azkoitiko 3. mailako Txapelketan, Edu Olabe eibartarrak darrai lidergoan, asteburuan jokatutako partida irabazi ostean. Eibartarrak ez du partidarik galdu eta berau izango da txapelduna sorpresa handirik ezean.

Bere atzetik datozen Bruno Belar, Asier Peñagarikano eta Igor Aranbarriren artean erabakiko da nor izango den igoera lortuko duen bigarren jokalaria. Errenteriako Fomento Culturalek antolatutako 16 urtez azpikoen txapelketan, asteburuan ez da partidarik jokatu eta Asier Etxagibel (Arrasate-San Andres Xake Elkartea) eta Edu Olabe (Eibarko Klub Deportiboa) daude lidergoan 4.5 punturekin, atzetik datozen 4 jokalariengandik puntu bakarrera. Hurrengo eta azken txanda, igandean jokatuko da 10:00etatik aurrera eta Etxagibelek Philipe Bayrakdar donostiarra izango du aurrean eta Olabek Oscar Diez irundarra.

Igandean, Anaitasuna-Kakute Xake Taldeak eta Gipuzkoako Xake Federazioak antolatuta, Gazteentzako xake aktiboko 1go jaialdia jokatu zen Azkoitian. Guztira 60 jokalari gazte bildu zituen txapelketa, adinka bi taldetan banatuta jokatu zen, 16 urtez azpikoak eta 16 eta 20 urte artekoak. 20 urtez azpikoetan Haritz Garro (Eibarko Klub Deportiboa) izan zen garaile 5 punturekin.

Bere atzetik etorri ziren Erik Juez (Zarautz Kirol Elkartea) 4.5 punturekin eta Iñigo Martin (Gros Xake Taldea), Galder Salterain (Gros Xake Taldea) eta Diego Olmo (Eibarko Klub Deportiboa) 4 punturekin. 16 urtez azpikoetan, Asier Etxagibel (Arrasate-San Andres Xake Elkartea) izan zen txapeldun, Oscar Diez (Gros Xake Taldea) bigarrenarekin 6.5 puntura berdinduta. Atzetik Eduardo Olabe (Eibarko Klub Deportiboa), Gaizka Alberdi (Anaitasuna-Kakute Xake Taldea), Hector Sanchez (Anaitasuna-Kakute Xake Taldea), Julen Garro (Eibarko Klub Deportiboa) y Asier Pedrera (Errenteriako Fomento-Cultural) gelditu ziren, guztiak 5 punturekin. Mailakako Txapelketak larunbatetan jokatzen dira 16:00tatik aurrera eta Kadeteen txapelketa igandeetan 10:00tatik aurrera. Guztietan jokalari bakoitzak ordu eta erdi du partida jokatzeko eta egiten duen jokaldi bakoitzeko 30 segundo gehitzen zaizkio erlojuari automatikoki.

Jokalarien arteko berdintasuna nagusi izan da beste astebetez Gipuzkoako Bakarkako Xake Txapelketa Nagusian, bosgarren txandaren ostean, bost jokalari baititugu 4 punturekin berdinduta, eta euren atzetik beste jokalari bat 3.5 punturekin. Orain arteko lider biek partida luze eta interesgarria jokatu zuten, baina hasieran pieza zuriak zeramatzan Argandoñak ezin zuen abantailarik lortu eta Alcaidek maniobra polit batekin piezak aldatu eta kolore desberdinetatik dabiltzan alfilekin geratzea lortu eta berdinketa lortu zuen. Bi hauei, Iñigo Martin eta Edu Sanz donostiarrak batu zaizkie, euren partidetan, Zulaika eta Gonzalezi irabazi ostean, pieza beltzekin, zuriekin galdutako puntuak lortzen dituztelarik. 4 puntu ditu baita ere Errenteriako Fomento Cultural taldeko David Garrido gazteak, txapelketako sorpresa izaten ari denak, Ladron de Guevara zarauztarra pieza zuriekin final interesgarri eta ikusgarri baten gainditu ostean. Atzerago, 3.5 punturekin, Beasaingo Alfil taldean jokatzen duen Asier Lakunza ordiziarra dugu, Jaumandreu donostiarrari pieza beltzekin irabazi ostean. Honen ostean, 11 jokalari datoz 3 punturekin, oraindik ere Txapelketaren lehenengo postuetan muturra sartzeko asmoarekin. Donostian jokatzen den Bigarren Mailako Txapelketan, lehenengo bi mahaietako berdinketek, berriz ere joan zen astean genuen sailkapena edukitzea ekarri du, lehengo liderrak ditugularik txapelketaren buruan: Gros Xake Taldeko Fernando Markina eta Pablo Ezkerro eta Club Deportivo Fortunako Sergio Lanz. Azkoitiko Bigarren Mailakoan, Aitor Arroitajauregi garaipenak, lidergora eraman du eibartarra. Gaizka Alberdiren aurkako garaipenak, orain arteko lider Aitor Priyaren atsedenak eta Hector Sanchez bigarrenaren berdinketan, 4 punturekin bakarrik utzi dute eibartar gaztea, Euskadiko Infantilen azpitxapelduna, txapelketaren lidergoan. Donostiako Hirugarren Mailako Txapelketan, Arturo Ramón eta Juan Pablo D’Anna liderren berdinketak, Jokin Fernandez beasaindarrak txapelketaren lidergoa hartzea sorrarazi dute, Alfil taldeko jokalaria lider baita 4.5 punturekin, 4 puntudun laukote baten aurretik. Azkoitiko hirugarren mailakoan, Edu Olabe eibartarrak darrai lidergoan, asteburuan jokatutako bi partidak irabazi ostean. Eibartarrak jokatutako 6 partidak irabazi ditu eta bakarrik dago lidergoan, atzetik Igor Aranbarri azpeitiarra eta Bruno Belar eibartarra dituelarik 5 punturekin. Errenteriako Fomento Culturalek antolatutako 16 urtez azpikoen txapelketan, Asier Etxagibel (Arrasate-San Andres Xake Elkartea) eta Edu Olabe (Eibarko Klub Deportiboa), liderrek euren partidak irabazi eta lidergoan darraite 4.5 punturekin, atzetik datozen 4 jokalariengandik puntu bakarrera. Hurrengo eta azken txanda, abenduaren 2an jokatuko da eta Etxagibelek Philipe Bayrakdar donostiarra izango du aurrean eta Olabek Oscar Diez irundarra. Datorren igandean, azaroaren 25ean, 20 urtez azpikoan Gipuzkoako Lehenengo Xake Jaialdia jokatuko da Azkoitian, bertako udala, Gipuzkoako Xake Federakuntza eta Anaitasuna-Kakute Xake Taldeak antolaturik. Egun guztian zehar, Gipuzkoa osotik etorritako 60 bat jokalarik egunpasa bikaina izango dute gogokoen duten kirola, xakea, praktikatuz. Mailakako Txapelketak larunbatetan jokatzen dira 16:00tatik aurrera eta Kadeteen txapelketa igandeetan 10:00tatik aurrera. Guztietan jokalari bakoitzak ordu eta erdi du partida jokatzeko eta egiten duen jokaldi bakoitzeko 30 segundo gehitzen zaizkio erlojuari automatikoki. Txapelketa Nagusia Antolatzailea: Billabonako Xake Joku Elkartea Jokalekua: Kultur Etxea, Kale nagusia 58. Billabona Donostiako Bigarren eta Hirugarren Mailako Txapelketak Antolatzailea: Gros Xake Taldea Jokalekua: Manteo Kiroldegia, Travesia Rodil s/n Donostia – San Sebastián Azkoitiko Bigarren eta Hirugarren Mailako Txapelketak Antolatzailea: Anaitasuna Kakute Xake Taldea Jokalekua: Kultur Etxea, Kale Nagusia s/n. Azkoitia 16 urtez azpikoen Kadete Mailako Txapelketa Antolatzailea: Fomento Cultural de Errenteria Jokalekua: Fomento Cultural, Zubiaurre kalea, 8. Errenteria

Lehenengo mahaietan partida interesgarri eta gogorrak izan genituen Billabonan jokatzen ari den Gipuzkoako Bakarkako Txapelketa Nagusiaren 4. txandan. Lehenengo mahaian, azkenean berdinketan bukatu zen partida izan genuen Donostiako Gros Xake Taldeko Iñigo Argandoña eta Iñigo Martinen artekoa.

Berdinketan bukatu zen, era berean, Eduardo Sanz eta Ander Zulaika gaztearen arteko partida bigarren mahaian, eta baita Ladron de Guevara eta Kai Ming Tungen artekoa ere hirugarrenean, bi partidetan pieza zuriak zituzten jokalariek ez zuten abantaila nahikoa lortu partidaren erdialdean eta berdinketarekin konformatu ziren. Aitor Alcaide atxabaltarrak, txapelketako 4. zerrenda buruak, Asier Lakunza gaztearen aurkako proba garrantzitsua zuen pieza beltzekin, baina partida oso fin eta neurtuarekin, bere sasoi maila erakutsiz garaitu zuen gazte ordiziarra.

Pieza beltzekin, David Garridok ere Unai Iraolaren aurkako partida irabaztea lortu zuen, enrokatu gabeko errege zuriaren aurka eraso gogorra egin ostean. Beste errenteriar batek, Aitor Goñik, Siu Hung Tung hartu zuen mendean. Era berean, Natxo Jaumandreu, Claudio Mendikute, Haritz Garro eta Ernesto Fuentek, Ion Argandoña, Egoitz Irure, Salvador Lopez eta Ion Kuende garaitu ostean, 2.5 puntu lortu dituzte eta sailkapenaren goiko aldean mantentzen dira. Txapelketaren erdia igaro ostean, Argandoña eta Alcaide daude lidergoan 3.5 punturekin, euren atzetik datoz, puntu erdira, Martin, Sanz, Ladron de Guevara, Zulaika, Gonzalez eta Garrido, eta atzerago, 2.5ekin, Jaumandreu, Mendikute, Garro, Kai Ming Tung, Lakunza eta Fuente.

Donostian jokatzen ari den Bigarren Mailako txapelketan, Fernando Markinak ezin izan zuen berdinketa besterik lortu, eta Sergio Lanz eta Pablo Ezkerro gazteek lortutako garaipenen ostean, hiru jokalari hauek daude txapelketaren lidergoan, 3.5 punturekin. Azkoitian, Aitor Priya, Aitor Arroitajauregi eta Hector Sanchezek, euren partidak irabaztea lortu zuten eta sailkapenean ordena horretan daude sailkatuta, 3.5, 2 eta 1.5 punturekin, hurrenez-hurren. Donostiako Hirugarren Mailako txapelketan, Gorka Villar liderrak bere partida galdu egin zuen Arturo Ramonen aurka, eta Ramon dugu orain, Juan Pablo D’Anna, Arturo Rodriguez eta Jokin Fernandez beasaindarrarekin batera lider 3.5 punturekin.

Azkoitian, Edu Olabe eta Bruno Belar eibartarren artekoa izan zen asteko partida, biek ala biek, partida guztiak irabazita baitzituzten. Olabe izan zen garaile partidan eta partida guztiak irabazita lidergoan dirau eibartarrak. Errenterian jokatzen ari den 16 urtez azpikoen txapelketan, Julen Garro liderrak, egungo txapeldun Asier Etxagibelen aurka galdu egin zuen bere partida, eta ondorioz arrasatearra lidergoan dago, Edu Olabe eibartarrarekin batera, honek Juan Pablo D’Anna garaitu ostean. Liderren atzetik lau jokalarik osatutako laukotea dator 3 punturekin, liderrengandik puntu erdi soilera.

Mailakako Txapelketak larunbatetan jokatzen dira 16:00tatik aurrera eta Kadeteen txapelketa igandeetan 10:00tatik aurrera. Guztietan jokalari bakoitzak ordu eta erdi du partida jokatzeko eta egiten duen jokaldi bakoitzeko 30 segundo gehitzen zaizkio erlojuari automatikoki.

Txapelketa Nagusia Antolatzailea: Billabonako Xake Joku Elkartea Jokalekua: Kultur Etxea, Kale nagusia 58. Billabona Donostiako Bigarren eta Hirugarren Mailako Txapelketak Antolatzailea: Gros Xake Taldea Jokalekua: Manteo Kiroldegia, Travesia Rodil s/n Donostia – San Sebastián
Azkoitiko Bigarren eta Hirugarren Mailako Txapelketak Antolatzailea: Anaitasuna Kakute Xake Taldea Jokalekua: Kultur Etxea, Kale Nagusia s/n.
Azkoitia 16 urtez azpikoen Kadete Mailako Txapelketa Antolatzailea: Fomento Cultural de Errenteria Jokalekua: Fomento Cultural, Zubiaurre kalea, 8. Errenteria

Txapelketaren gogortasun eta jokalarien mailaren berdintasuna astez aste dakusagu txapelketa honetan.

Hain zuzen ere berdintasun horregatik jokalari bakarra dago 3 punturekin, jokatutako partida guztiak irabazita. Egungo txapeldun Iñigo Argandoña Nazioarteko Maisua da lider, Siu Hung Tungen aurkako partida irabazita.

Bigarren mahaian, Zulaika eta Ladrón de Guevara zarauztarren arteko partidan, berdintasun aizan zen nagusi eta bien arteko berdinketak, liderrarengandik puntu erdira utzi ditu. Alcaide, Martin eta Sanz ere 2.5 puntura heldu dira, lehenak Garridori zailtasun askorekin irabazi ostean, bigarrenak gazteen arteko partidan Garro eibartarrari irabazita eta hirugarrena Alvaradori denbora larrialdian irabazita. 2.5 puntuko taldetxoaren azken partaidea, Asier Lakunza gazte ordiziarra da, Agirretxe txapelketako bigarren zerrenda-buruari irabazi ostean.

Hirugarren txandaren ostean, 6 jokalari daude 2 punturekin: Siu Hung Tung, Garrido, Kai Ming Tung, Aitor Gonzalez, Iraola billabonarra eta Jon Argandoña gaztea.

Txapelketaren albiste onenetako bat, gazteenak jokatzen ari diren txapelketa bikaina da: Martin, Zulaika eta Lakunza, lidergotik gertu daude 2.5 punturekin, Jon Argandoña 2 punturekin dago, Haritz Garro eta Diego Olmo eibartarrak 1.5 punturekin eta Erik Juez zarauztarra, Txapelketa Nagusian jokatzen duen lehen aldian, puntu bakarrarekin.

Donostian jokatzen ari den Bigarren Mailako txapelketan, Fernando Markinak bakarrik lortu du jokatutako hiru partidak irabaztea eta lidergoan dago, hirugarren txandan Iñaki Aizpuruarena urkakoa irabazi ostean. Bere atzetik lau jokalari datoz 2.5 punturekin.

Azkoitian ere lider bakarra dugu, Aitor Priya, 2.5 punturekin, Hector Sanchezen aurka berdinketa lortu ostean. Priyaren atzetik Anibal Fernández dator 2 punturekin. Donostiako Hirugarren Mailako txapelketan ere lider bakarra daukagu, Gorka Villar, bera baita jokatutako partida guztiak irabaz idituen bakarra. Bere atzetik, 2.5 punturekin zazpi jokalari datoz.  Azkoitian aldiz, Bruno Belar eibartarra dago lider 3 punturekin, eta bere atzetik beste hiru jokalari datoz hiru punturekin.

Errenterian jokatzen ari den 16 urtez azpikoen txapelketan ere lider bakarra daukagu, Julen Garro eibartarra. Julenek Hector Sanchezen aurka jokatutako partida irabazi egin zuen, honek hasitako erasoari erantzun eta partida modu politean irabaziz. Eurekin berdinduta zeuden Asier Etxagibel eta Edu Olabek, berdinketa lortu zuten, Olabe partidan hobeto zegoen arren. Datorren astean Garrok Etxagibel izango du aurrean, eta Olabek D’Anna donostiarra. Mailakako Txapelketak larunbatetan jokatzen dira 16:00etatik aurrera eta Kadeteen txapelketa igandeetan 10:00tatik aurrera. Guztietan jokalari bakoitzak ordu eta erdi du partida jokatzeko eta egiten duen jokaldi bakoitzeko 30 segundo gehitzen zaizkio erlojuari automatikoki.

 Txapelketa Nagusia Antolatzailea: Billabonako Xake Joku Elkartea Jokalekua: Kultur Etxea, Kale nagusia 58. Billabona Donostiako Bigarren eta Hirugarren Mailako Txapelketak Antolatzailea: Gros Xake Taldea Jokalekua: Manteo Kiroldegia, Travesia Rodil s/n Donostia – San Sebastián Azkoitiko Bigarren eta Hirugarren Mailako Txapelketak Antolatzailea: Anaitasuna Kakute Xake Taldea Jokalekua: Kultur Etxea, Kale Nagusia s/n. Azkoitia 16 urtez azpikoen Kadete Mailako Txapelketa Antolatzailea: Fomento Cultural de Errenteria Jokalekua: Fomento Cultural, Zubiaurre kalea, 8. Errenteria