Europako Pikoak mendikatean dagoen elur eskasiak Andres de Regil mendi eski zeharkaldia atzeratzera behartu ditu antolatzaileak.

Datorren astebururako zegoen iragarrita proba honen hogeita hamairugarren ekitaldia, eta apirileko lehen astebururako egin dute hitzordua orain. Euskaldun ugarik parte hartu ohi du kirol ekitaldi honetan. Lehen eguneko ibilbideak 14 kilometro ditu, eta 1.630 metroko desnibela.

Bigarrengoa erlojuaren aurka egingo da, hiru kilometroko luzera duelarik. Martxoaren 2an iragarrita dagoena Euskal Mendizale Federazioak antolaturiko zeharkaldia da, Zurizan, Piriniotan egingo dena. Estribiella (2048 m) eta Peña Forca (2.390 m) gailurrak igaroko ditu.