Asteburu oparoa izango dugu mendiko lasterketei dagokienez. Besteak beste, Euskadiko eta munduko kopak jarriko dira abian. Azpeitian, Euskadiko Kopako lehen proba korrituko da, laugarren Izarraizko Mendi Lasterketan izango da. 21 kilometroko proba da, 1600 metrotik gorako desnibela duena. Euskadiko Kopak beste hiru proba ere izango ditu: ekainaren 8an Baigorrikoa, uztailaren 6an Zornotzakoa, eta irailaren 27an Urbasan egingo dena. Munduko kopa Katalunian jarriko da abian. Bergan maratoia korrituko da, 42 kilometro eta 2.960 metroko desnibela. Euskal selekzioko kideak bertan izango dira. Munduko Kopak beste bost proba izango ditu: Italian, Italia eta Suitza artean, Andorran, Malaisian, eta Britainia Handian.