Mendia

12 hildako K-2 mendiko ezbeharrean

Mon, 4 Aug 2008 08:41:33 +0000

Hildako eta desagertuen artean ez dago euskaldunik, baina ezbeharra gertatu eta ordu batzuk lehenago, Alberto Zerain bertatik igaro zen. Gailurrera iritsi direnen artean, arabarra da heldu kanpamendura heldu den bakarra.

Alberto Zerain istripua izan duen espedizio taldearekin atera zen eguerdiko 13:00etan hirugarren kanpamendutik. Pixkanak-pixkanaka ordea, besteak atzean geratzen joan ziren, Alberto Zerain arratsaldeko 15:00etan iritsi zen gailurrera eta kanpamendura iritsi bitartean ez zen gertatutakoaz ohartu, han eman zioten ezbeharraren berri.

Izotz jauzi batek bete-betean harrapatu zituen 18 mendizaleak. Horietatik gutxienez hamabi hil egin dira, bertan dagoen Italiako mendizale batek adierazi duenez.

Hildakoak Koreakoak, Pakistangoak, Nepalgoak, Serbiakoak, Holandakoak eta Norvegiakoak izan daitezke, baina ez dakite kopuru zehatza. Antza, K-2 mendiko gunerik arriskutsuenean gertatu zen ezbeharra, aldapatsuenean

Usobiaga bigarren Chevalierren

Tue, 29 Jul 2008 08:16:51 +0000

Serre Chevaliergo Masterrean Patxi Usobiagak bigarren postua eskuratu zuen asteburuan. Ramon Julian Ramonet kataluniarra nagusitu zen nazioarte mailako masterrean. Ostiraleko kanporaketatan arazorik gabe aritu zen eibartarra, bidea erraz menperatuz. Larunbatean eguraldiak arazoak eman zituen, eta finala igandean burutu zen.

Ramon Julian lehen postuan, top egin zuen bakarra izan zen, Usobiaga bigarren, eta Mrazek hirugarren. Iraila arte ez du hitzordurik izango Patxi Usobiagak, nazioarteko beste master izango du, 6an eta 7an Arcon. Emaitza on hau gutxi balitz, beste berri pozgarri bat ere jaso du Usobiagak: bi sari garrantzitsutarako izendatua izan da.

Batetik, Sportiva Competion Award, lehiaketan egindakoak kontutan hartzen dituena. Maja Vidmar, Kilian Fischuber, eta Patxi Usobiaga dira hautagaiak. Harkaitzean egindakoa saritzen duen Salewa Rock Award sarian, Chris Sharma eta Dave Graham estatu batuarrak, 15 urteko Barbara Zangerl eta Adam Ondra, eta Patxi Usobiaga. Bi sari hauek Arcon banatuko dira.

Ahalegin ustela G-4 mendian

Fri, 18 Jul 2008 14:15:29 +0000

G-4 mendian diren mendizale euskaldunek ezer gutxi egin ahal izan dute G-4 mendiko tontorrera iristeko egin duten lehendabiziko ahaleginean. Juan Vallejo, Alberto Iñurrategi, Jose Carlos Tamayo eta Mikel Zabalza astelhenean abiatu ziren tontorrera. Baina lehendabiziko kanpamendura iritis bezain pronto konturatu ziren han zuten ia dena desagertuta zegoela.

Asteartean kanpamendu nagusira jeitsi, materiales hornitu eta asteazkenean berriro gora abiatu ziren. Baina eguraldia ez zen zuten lagun izan eta amore eman behar izan zuten.

Lau mendizaleak berriro ere kanpamendu nagusian daude eta datorren astean beste ahalegin bat egiteko asmoa dute.

MENDI LASTERKETAK: Euskal ordezkariak Trenton jokatuko den Sky Games lehiaketan

Thu, 17 Jul 2008 08:03:45 +0000

Mendi lasterketek urtean zehar duten hitzordurik nagusienetakoa da. Asteburu osoan Sky Games izeneko lehiaketa Trenton, Italian jokatuko da.

Bertan era guztietako probak izango dira eta Euskadiko selekzioko ordezkariak arituko dira. Ostiralean kilometro bertikala izango da eta igandean 22 kilometroko proba gogorra.

Euskadiko selekzioa Alicia Romero, Fernando Etxegarai, Felipe Larrazabal eta Zuhaitz Ezpeletak osatzen dute Gaizka Itza hautatzailearen esanetara.

KIROL ESKALADA: Patxi Usobiaga makal Chamonixen

Mon, 14 Jul 2008 12:05:27 +0000

Munduko kirol eskalada kopako bigarren proba jokatu da asteburuan Chamonixen. Patxi Usobiaga ez da fin aritu eta eibartarra finaletik kanpo gelditu da. Sailkatze proban, Usobiaga oso ondo aritu zen eta bide osoa kateatuz Topa lortu eta finalerdietarako sailkatu zen. Finalerdietan ordea, azken bi urteetan munduko kopa irabazi duen Usobiagak ez zuen suerterik izan. 13. sailkatu zen eta aurreneko zortziak bakarrik sailkatzen zirenez finalerako, onenen borrokatik kanpo gelditu zen.

Alberto Iñurrategi eta Juan Vallejo G-4 mendiko tontorarri begira

Fri, 11 Jul 2008 15:02:59 +0000

Alberto Iñurrategi, Juan Vallejo, Jose Carlos Tamayo eta Mikel Zabalza euskaldunak, Ferran Latorrerekin batera G-4 mendian dira. Amerikarren bidetik mendi dotore honen tontorra zapaldu nahi dute.

Orain arte oso eguraldi ona izan dute eta lan bikaia eginez hirugarren kanpamendurainoko bidea ekipatu dute. Orain nahiko eguraldi txarra dute eta kanpamendu nagusian atsedena hartzen ari dira.

Eguraldi ona izan bezain pronto berriro ere gora joko dute eta euren asmoa tontorreraino iristea izango da.

KIROL ESKALADA: Patxi Usobiaga, Chamonixen asteburuan

Thu, 10 Jul 2008 13:57:17 +0000

Munduko kopako bigarren proba jokatuko da asteburuan Chamonixen. Patxi Usobiaga parte hartzaileen artean izango da. Irati Andak oraindik ere lesionatuta jarraitzen duenez ezingo du Alpeetako proban parte hartu.

Usobiagak hasiera ona eman dio munduko kopari. Txinan jokatu zen aurreneko proban laugarren sailkatu zen. Chamonixen gainera eibartarrak emaitza onak lortu izan ditu, esatebaterako 2003an munduko txapeldunorde izatea lortu zuen.

Larunbatean sailkatze probak eta finalerdiak izango dira eta igandean finala jokatuko da.

Zuhaitz Ezpeleta nagusi Madrilen

Wed, 9 Jul 2008 10:57:52 +0000

Zuhaitz Ezpeleta bere sasoirik onenean da. Arrasatearra denboraldi aparta osatzen ari da eta horren lekuko iragan igandean egin zuen erakustaldia. Guadarraman, Madrilen, Espainiako kopako proba jokatu zen eta Ezpeletak garaipen argia lortu zuen, ibilbidearen baldintzat beretzat egokienak ez baziren ere. Emakumezkoetan Ohiana Azkorbebeitia laugarren sailkatu zen.

Espainiako kopako azken proba Irailean jokatuko da eta Zuhaitz Ezpeletak badu tituloa lortzeko aukera.

Etxean Aramotzeko proba jokatu zen, Euskadiko kopako proba. Fernando Etxegarai eta Nerea Amilibia izan ziren bi irabazleak eta beraiek dira kopako bi liderrak.

Patxi Usobiaga, laugarren Txinan

Tue, 1 Jul 2008 10:28:45 +0000

Patxi Usobiaga ondo hasi da munduko kopan. Eibartarrak laugarren postua lortu du asteburuan Txinan jokatu den lehendabiziko proban. Patxi Usobiagak sailkatze fasean eta finalerdietan espero baino gehiago sufritu zuen, baina finalean bere mailarik onena emanez laugarren postu on bat eskuratu zuen. Thomas Mrazeck txekiarra izan zen irabazlea.

Mendi lasterketen hirugarren proba Andorran jokatu da. Kylian Jornet eta Rosa Madureira izan dira bi irabaazleak. Euskaldunen artean Alizia Olazábal laugarren sailkatu zen eta Alicia Romero zortzigarren. Gizonezkoetan Felipe Larrazabal zortzigarren helmugaratu zen eta Joseba Lizeaga hamabigarren.

Munduko Koparen hasiera

Thu, 26 Jun 2008 13:20:58 +0000

Ostiralean jarriko da abian Munduko Kopa, Txinan emango ditu lehen urratsak, Xiningen. Azken bi urteetan egin duen moduan, aurten ere txapela lortzen saiatuko da Patxi Usobiaga eibartarra. Bestalde, iaz egindakoa hobetzen saiatuko da Irati Anda.

Gasteiztarrak eskumuturrean dituen arazoak gainditu behar ditu lehenik. Zazpi probako munduko kopa osatu zuten antolatzaileek, baina azken unean, Taipein urriaren amaieran egitekoa zena bertan behera utzi dute, eta hau gutxi balitz, 2009ko munduko txapelketa ere lekuz aldatu dute: ez da Grindewallen egingo, Xiningen baizik.

Patxi Usobiagak bere iritzia kaleratu du honen inguruan bere web orrian: “Bazirudien eskalada aurrerapauso handiak ematen ari zela, olinpiar jokoen bila. Baina badirudi atzera egin duela berriz: proba gutxiago, txapelketak bertan behera uztea azken unean, lehiaketak munduko txoko galduetan... eta dena diruagatik. Denok eseri eta egoera bideratu beharko dugu, garaiz gaude gauzak aldatzeko, olinpiar jokoen utopia ahaztu, eta kalitatezko eta proba ikusgarriz osaturiko munduko kopa duin bat osatuz”.