Bideoa ikusi

Sopelako Arriatera hondartzako eraikinak botatzen hasi zirenean konturatu ziren harri bitxi batekin egin zutela topo. Kolore gorrixka du harriak, inguruko aitzen berdina da, baina kolore gorriarekin.

Gero konturatu ziren gorri koloreko harri hori lurreko zain bat zela. Gipuzkoako Aizkorri menditik Sopelako hondartza horretaraino doana gainera.

Dagoeneko ia erabat bota dituzte garai batean taberna eta surf taulak alokatzeko denda izan zirenak eta ageri-agerian utzi dute lurreko zain gorrixka hori. Begirada huts batekin nabarmentzen da harri horren kolore berezia, ingurukoaren aldean oso desberdina.

Bideoa ikusi

Bilboko Uribitarte Kaletik Mazarredora joatea ez da lan erraza izango gurpildun aulkia darabilten ezinduentzat. Isozaki Atea inauguratu zutenean, ezindu fisikoek protestak egin zituzten haientzako pasabiderik egin ez zutelako.

Orain, Bilboko udalak, protesta horiek saiheste aldera, Isozaki dorreetako plazatik Mazarredoko aldapetara doan zubixka bat ireki berri du. Aurrera begira, udaletxeak baditu proiektuak ezinduei bidea erreztuko dien igogailuak jartzeko, baina bitartean erdibideko neurri hau hartzea erabaki dute.

Ez al zen hobeto izango dena batera egitea, hasiera-hasieratik ezinduak kontutan hartuz? Igogailu horiek egin bitartean, Isozaki dorreak eta Mazarredo lotu dituzte ezinduek egiteko moduko bide batekin, baina ez da batere erosoa haientzat. Izan ere, aldapetan gora ibili beharko dira alperrik metro asko eginez Mazarredora iristeko.

Bideoa ikusi

Udaberriaren etorrerarekin Getxoko kirol-portura itsas-bidaiak egiteko itsasontzi erraldoiak iristen hasi dira. Ontzi horietan ehundaka pertsona sartzen dira, harrigarria da nolako eraikin flotanteak egiten dituzten.

Getxoko portura begiratu eta txalupa eta yateen gainetik ontzi handi bat nabarmentzen da. Kaian dauden itsasontzi guztiak batuta ere ez lirateke ontzi horren tamainara iritsiko.

Turistaz beteta heltzen ziren autobusak portura, itsasontzia hartu dezaten. Kai-muturrean pasioan genbiltzanok harrituta begiratzen genion barkuaren handitasunari.

Argazkia ikusi

Goizean Korrika Getxora heldu da. Hemen ikusten da gainezka zegoela Erromotik igaro denean

Bideoa ikusi

Goizeko 8:00 etan lanerako bidian edarra txingorrada

Argazkia ikusi

Gasteizko Arraiaga parkea goizean

Argazkia ikusi

Lakuako itxura gaur goizean

Bideoa ikusi

Getxoko Ereaga hondartzan grabatutako irudi hauetan itsasoak utzitako zaborrak ikus daitezke. Badirudi itsasoak nahi ez zuena bota egin digula.

Eguraldia zela eta, itsaso zakarra espero nuen Ereagan. Olatu handiak ikusi nahi nituen, baina horren ordez itsasoak hondartzan utzitako zabor piloa ikusi eta grabatu egin dut, ikusgarria benetan.

Ereagakoa ez da normalean garbi-garbi egoten den hondartza bat, baina gaurkoan ohiz ikusten ez den moduan zegoen.

Bideoa ikusi

Zoritxarrez oraindik tenperatura baxuak jasan behar ditugu nahiz eta udaberria gero eta hurbilago egon. Orain dela bi aste bezala, eguzkia hodeien atzean ezkutatu da eta euria protagonista bilakatu da Euskal Herri osoan.

Atzo eta gaur euria bortizki ari du eta batzutan txingorra ere ikus daiteke. Honen ondorioz, Bilboko itsasadarraren emaria asko igo da azken orduetan eta oso altu dago bideoan ikus daitekeen moduan