Bideoa ikusi

Lorategien Nazioarteko I. Lehiaketari esker herritarrok lorategiez gozatu ahal izango dugu Bilboko kale eta plazetan. Hiri baten erdian egiten den mota honetako lehen txapelketa da munduan eta lehen edizio honetarako 20 proiektu hautatu dituzte. Gainera, irabazleak hirirako lorategi esklusiboa diseinatuko du.

Argazkia ikusi

Azken egun hauetan Bidegoiango udalerrian babes ofizialeko etxebizitzetan aldaketak egiten ari dira, besteak beste etxeei atxikitutako estalpeak eraikitzen hasi baitira.

Eta urbanizazioko biztanle guztiak bide beretik jarraitzen badute, berehalaxe bata bestearekin lotuko dira, nahiz eta horrelako eraikinak jasotzeko hauek alboko etxetik gutxieneko distantzia bat gorde behar duten, zer esanik ez babes ofizialekoak izanik lege baldintza zorrotzagoak dituztenean.

Bideoa ikusi

Bideoan ikusten den moduan haurrak izan dira prestuenak eta hasiera hasieratik giroaz gozatzen hasi dira. Euren festetako jantziekin kolorez jantzi dituzte Lamiakoko kaleak eta umore puntua jarri dute.

Argazkia ikusi

Arrigorriagako Mendikosolo parkeko lakuan bost zisne jaio direz udaberri honetan. Jaioberriaren egunean hasi ziren uger egiten euren aitaren atzetik.

Bideoa ikusi

Haurrei zuzendutako jolasak, zirkoa, tailerrak eta erromeria egin dituzte gaur Plentziako Astillero plazan. Gaztetxoz lepo zegoen plazan, giro ona zen nagusi.

=> osorik irakurri

Bideoa ikusi

ELA, LAB, STEE-EILAS eta FETE-UGT sindikatuko irakasleek Jaurlaritzaren aurreakordioa gutxietsi dute eta lan-baldintza hobeak eskatu dituzte, Bilboko Kale Nagusi osoa zeharkatu duten manifestaldian.

Grebako hirugarren eguna dute gaur irakaskuntza publiko ez unibertsitarioko irakasleek. Asteartean Gipuzkoan egin zuten greba, eta atzo Araban. Gaur, bizkaitarren txanda izan da eta ehunka irakasle eta sindikatuko ordezkarik parte hartu dute manifestaldian eta greban.

Jon Urrusolo LABeko ordezkariak argi azaldu du manifestaldian bildutako lau sindikatuen eskakizuna zein den, Jaurlaritzak CC.OO.ekin sinatu zuen aurreakordioa arbuiatzea.

Bideoa ikusi

Barakaldoko Sefanitro fabrika eraisteari ekin diote gaur goizean. Hainbat urteko tirabiren ostean, fabrika bota egingo dute lurzoru horretan etxebizitzak eraikitzeko.

Bederatzi hilabete inguru iraungo dute eraiste eta lurzoruaren garbitze lanek. Izan ere, fabrikak urteetan pilatu dituen hondakin toxikoak kentzen lan handia izango dute.

Barakaldoko Lutxana auzoko paisaia erabat aldatuko da fabrikaren eraistearekin batera. Tximini handi eta luzeetatik ez da ke pilarik berriro aterako. Gainera, 2.000 etxebizitza inguru eraikiko dituzte fabrika zegoen lekuan eta zonalde berdeekin apainduko dute ingurua.

Lutxana auzoaren eraberritze lanak oraintxe hasi dira, hauteskundeen atarian, kasualitatea ote? Barakaldoko alkatea fabrikaren ondoan larrosak banatzen zebilen...

Bideoa ikusi

Superliga irabaztea lortu zuten igandean Athleticeko neskek eta harrera beroa jaso dute Bilboko kaleetan.

Bideoan ikusten den moduan giroa bikaina izan da eta jende mordoa egon da.