Giro goxo eta alaian hasi dira aurtengo Arabako Bertsolari Txapelketako kanporaketak. Lehena Laudion, Aiarako kuadrila historikoan, ospatu zen larunbat gauean.

Berrogeita hamar pertsona ingururekin Basalarrina elkartean afari ederra egin ostean, Iñaki Viñaspre, Izar Mendiguren, Serapio Lopez, Ander Solozabal, Asier Otamendi eta Ekaitz Samaniego bertsolariek, Lierni Altuna gai-jartzailearen gidaritzapean bertso saioari ekin zioten.

[Gehiago:]

Saioa nahiko erregularra izan zen. Asier Otamendi, Juan Mari Juaristiren ordez kantatu zuena, gelditu zen aurrena 155 punturekin eta beraz zuzenean pasako da finalerdietara, bigarren 147 punturekin Iñaki Viñaspre, hirugarren Serapio Lopez 143 punturekin, laugarren, txapelketan lehenengo aldiz parte hartzen duen, Ander Solozabal gaztea (140,5), bosgarren Izar Mendiguren laudiarra (137,5) eta seigarren Ekaitz Samaniego (137).

Datorren asteburuan jokatuko dira falta diren bi kanporaketak. Otsailak 29, ostirala, Lantziegoko Luis R upategian Felipe Zelaieta, Alberto Martinez, Zigor Enbeita, Andere Arriolabengoa, Jagoba Apaolaza eta Juan Mari Juaristi arituko dira lehian Irati Lotinaren esanetan.

Martxoaren 1ean, larunbata, Aguraingo Sarayola jatetxean Oihane Pera, Rikardo Gonzalez de Durana, Iker Agirre, Manex Agirre, Ruben Sanchez eta Beñat Goitia Idoia Beitiaren agindupean.

Bi kanporaketa hauekin osatuko dira Aramaio eta Ondategin jokatuko diren finalerdiak. Txapelketako bertso zurrunbiloa gero eta indar gehiago hartzen hasi da... indar gorena finalean hartuko duela iragartzen du Arabako BertsoMetek, adi egon!