3-1 irabazi dio Terrassari, amaiera ona emanez aurtengo liga kaskarrari Eguerdiko hamabi eta erdiak Donostiako Bera-berako hockey zelaian. Euria zegoen iragarria, baina egun eguzkitsuarekin aurkitu ginen atzokoan. Eguraldi on horrek jende asko gerturatu zuen zelaira. Eta seinale ona zen hori, izan ere, Atletiko San Sebastian ohorezko dibisioko gizonezkoen hockey taldeak animo guztiak behar zituen ligako azken jardunaldi honetarako.

[Gehiago:]

Partiduaren 17. minutuan J. Garcia epaileak txartel berdea atera zion Terrassako O. Bach jokalariari, honek egindako sarrera gogor baten ostean. Kontuz ibili beharko zen katalana handik aurrera. 24. minutuan iritsi zen partiduko lehen penalti kornerra Terrassako taldearen aurka, Fernando Oscarizek burututako jokaldi bikain baten ondoren. Penalti korner zuzena eta Peiok, momentu horretan kapitaina zena, pilota kolpatu, atearen barruan bukatu zuena. Bat eta huts.

2 minutu beranduago heldu zen Atletikoren bigarren gola, beste penalti korner baten ostean. Oraingo honetan, vallinari pasea eta Emiliok sartu zuen gola. 31. minutuan Paleti txartel berdea erakutsi zioten, partiduko bigarrena talde katalanarentzat. Atsedenaldira hiru eta hutseko emaitzarekin joateko aukera paregabea izan zuen Diegok azken minutuan atezainaren aurrean bakarrik geratu zenean.

Bigarren zatiko aldaketa nagusia kapitain aldaketa izan zen. Berandu iritsi zen Unaik jantzi zuen ikurrinaren besokoa. Bigarren zatia hasi eta berehala, Emilio Atletikoko kirolariari, txartel horia atera zioten, gogor sartu ostean aurkari bati. Kolegiatuek 4 minutuz kanporatu zuten Emilio. 47 garrenean Atletikoren aurkako penalti kornerra: arrastre elebatua eskuin eskuadrara, atezainak gelditu egin zuena. 4 minutu beranduago penaltia Atletikoren aldekoa izan zen, area barneko oin batengatik.

Oraingo honetan ere Peiok ez zuen hutsik egin eta hiru eta hutsekoa ezarri zuen markagailuan. Gol honek partidua ia erabakitzat ematen zuen. Baina talde katalanak amore emango ez zuela erakutsi zuen laster eta 57. minutuan estreinatu ziren markagailuan. Hiru eta batekoa.

Terrassakoek presionatzen jarraitu zuten eta bi minutu eskasetan bi aukera paregabe izan zituzten “Gorriek”, Berti atezainak maisuki gelditu zituenak. Partidua bukatzeko 5 minutu falta zirenean hiru eta bikoa ezarri zuen Terrassako Palet jokalariak. Ez zegoen ezer erabakia oraindik beraz, eta katalanek partidua amaitu arte borrokatzen jarraituko zutela erakusten ari ziren. 68. minutuan Fernando Oscariz Atletikoko jokalaria arearaino sartu zen hiru aurkari mareatu eta gero. Jokaldi ikusgarria benetan, baina pilotak zoritxarrez ez zuen sare barruan bukatu.

Amaierarako minutu batera norgehiagokako unerik tentsoenak bizi izan ziren. Terrassakoei sarrera gogor bat egin ostean, arbitroak ez zuen faltarik seinalatu. Jokalariek protestekin erantzun zioten erabaki horri eta presioak eraginda epailea denbora eskatzera behartua izan zen. Beste epailearekin hitz egin eta gero falta pitatu zen Terrassakoen alde. Bi minututara partiduaren amaiera islatuko zuen txilibitua entzun zen. Azken emaitza hiru eta bikoa, donostiarrak garaile, merezitako garipena.

Izan ere, hobeak izan ziren arlo guztietan. “Lehenengo zatian eroso aritu gara, baina bigarrenean aurkarien presioa nabariagoa izan da, eta ez da erraza izan”, adierazi zuen Oscariz argentinarrak partiduaren ostean, “Bainaoso pozik gaude emaitzarekin”. Partidu honekin amaiera eman zitzaion 2007/08ko ligari eta honela gelditu da sailkapena honenbestez:

Taldea eta Puntuak:. 1º CLUB EGARA 33 2º CLUB DE CAMPO 30 3º PRINCESS R.C. POLO 29 4º ONO ATLETIC TERRASSA 26 5º KRAFFT ATLETICO SAN SEBASTIAN 15 6º C.D.TERRASSA 11 7º C.D. COMPLUTENSE 11 8º R.S. TENIS 10 9º F.C. BARCELONA 8 10º CALDARIA 7

FITXA TEKNIKOA: ATLETIKO S.S. CLUB DEPORTIVO TERRASSA Titularrak 1 Albert (port.) 1 Berti (port.) 2 Nacho 9 Ivan Llorente 3 Rago 10 Alfredo 5 M. Tejedor (kap.) 19 Bela 6 Jordi 20 Ferndndo Oscariz 7 Ulles 21 Angel 8 O. Bach 22 Ander Goñi 9 Palet 23 Emilio 14 Keller 25 Diego 19 Aleix 27 Peio Azkoaga (kap. 1. zatian) 22 Barrionuevo 30 Iker Kamio Ordezkoak 10 Puyol 14 Willy 11 Xabi 17 Jon Kamio 15 Sergi 31 Unai (kap. 2. zatian) 16 Paul