Martxoaren 21tik 24ra biratean ospatuko da 2008ko Gazte Topagunea. Lezon izango da eta hainbat gunez ostuta egongo da. Eskola gunea deitutakoan, ikasleak irakasle izateko aukera izango dute eta tailerrak eta hitzaldiak egongo dira; Gaztetxe gunean eztabaidak, tailerrak, erakusketak, etab izango dira sexualitateari, drogari edota etxebizitza eskubideari buruz.

Antolatzaileek adierazi dutenez, kultur gunean laburmetraiak, txalapartarien II.topaketak, sorkuntzarako eremua...egongo dira eta 4.gunean, herri gunean, alegia, kale animazioa, txarangak, bertso-poteoak, batukada, rock maratoia eta beste hainbat eskaintzetaz gozatzeko aukera egongo da.

[Gehiago:]

5.gunea, “Gazteei gehien erakartzen dien gunea” dela adierazi dute antolatzaileek eta honetan, Latzen, Etsaiak, Ken7, Koma edota Hesian bezalako taldeen kontzertuetaz gozatzeko aukera izango dela ere komentatu dute. Auditorio izenaz ezaguna izango den 6.gunean antiglobalizazioa, gazteon borrokak nazioartean edota sozialismo identitarioa bezalako gaiak jorratuko dira.

Lezora hurbiltzen diren gazteontzat, jantoki bat egongo da non gosari herrikoiak 9.00etatik aurrera eta menu eskaintza larunbat eta igandean egongo den. Bukatzeko geratzen zaigun gunea, 8000 pertsonentzako akanpatzeko tokia da; bertan, zerbitzu minimoak egongo dira.

4 egunak igarotzeko bonoa 40€ balio du baina egun bakar bat pasatzeko sarrera 12€ ren truke eskuratu daiteke aurretik edo 18€ ren truke han bertan.