ZuKazetari PeriodismoCiudadano

Bertsoen 'Barrenak astintzen' aritu ziren Lasarte-Orian

Sun, 11 May 2008 16:52:45 +0000

Bertso mundua gazte jendeari hurbiltzeko asmoz “ Barrenak astinduz” saio berritzailea antolatu zuen aurreko larunbatean Ttakun Kultur Elkarteak Lasarte-Oriako Kultur-Exean. Saioa arratsaldeko 19:00etan hasi eta 21:30ak aldera amaitu zen.

Manuel-Lekuona Kultur Etxeko gune ezberdinetan musika, poesia, antzerkia, batukada eta dantza izan ziren ikusgai. Amaia Dorronsoro pianojoleak, Maider Oiartzabal dantzariak, Kontxu Yarza eta Estitxu Garmendia antzerki irakasleak eta Xabi Beldarrain batuka irakasleak bertsolari bikainak izan zituzten lagun.

Betan izan ziren Andoni Egaña, Zigor Iriondo, Xabi Paya, Ane Labaka, Maddalen Arzallus eta Patxi Etxeberria. Kultur-Etxeko gune bakoitzean izan zen zerekin disfrutatzeko aukera, “LasAIRte” aire konpainiak proposatutako bidai magikoan. Herri-konpainia honetako komandanteak eta azafatak oso ondo aritu ziren euren paperean, oso gidari onak eta esperientzia handikoak zirela erakutsiz.

Latzen, inoiz baino zirraragarriago

Sat, 10 May 2008 13:01:12 +0000

Oñatiko taldea ez zen damutu Algortan bildutako zale amorratuei emandako kontzertu jendetsuaz

Karla Crego, Algorta

Latzen taldekoek ez zioten hutsik egin Algortako herriari, apirilaren 5ean bertako Portu Zaharrean eskainitako kontzertuan. Euren ibilbide luzearen unerik oroigarrienean ez badaude ere, gomutan gordetzeko moduko emanaldia eskaini zuten, Lor taldeak emandako kontzertuari jarraiki. Inoiz baino arrakastatsuago dagoela erakutsi zuen Heavy metaleko Euskadiko bandarik adierazgarrienetarikoa den Latzenek.

“La Fábrica de la Felicidad” Coca-Colaren kanpaina aztertu dute Leioako kanpusean

Fri, 9 May 2008 19:29:59 +0000

“La alfombra roja de la publicidad” izeneko publizitateari buruzko XIV. jardunaldiak izan ziren martxoaren 11tik atzorarte Leioako Unibertsitateko kanpusean. Atzo Sylvia Lezama McCann publizitatea agentziako zuzendariordeak, “La Fábrica de la Felicidad” deituriko Coca-Colaren gabonetako kanpainari buruz hitz egin zuen campuseko Areto Nagusian.

“La Fábrica de la Felicidad” kanpaina, McCann agentziak burutu zuen Wieden&Kennedy agentziak emandako hiru minutu eta erdiko laburmetraia batean oinarrituta. Lezamak azaldu zuenez, hau kontuan izanda, kanpaina filme baten estreinaldi baten formatu berean planteatu zuten hainbat euskarri erabiliz: telebista, irratia, kartelak, internet…

McCanneko zuzendaria azken aspektu honetan zentratu zen gehien, hau da, interneten erabili zituzten baliabide guztiak azalduz. Azkenean hitzaldia kanpainaren marketin tekniketan eta haren emaitza onetan zentratu zen gehien bat, Lezamak gaineratu zuenez, izugarrizko arrakasta izan omen zutelako Gabonetan indar handia duten beste iragarkien gain. Modu honetan, Coca-Colaren iragarkien ezaugarri den sormen eta originaltasunari aipamenik egitea falta izan zen, hori baitzen entzuleen gehiengoak espero zuena.

Hitzaldia 17:15etan hastekoa bazen ere, ordu laurden bat atzeratu zen arazo teknikoak bitarteko zirela. Hori zela eta, Sylvia Lezama bere azalpena ahalik eta arinen ematen saiatu zen aurrezarritako orduan bukatzeko eta ondorioz, hitzaldia azkarregia eman zuen.

Deustok BTk, irabazi dio Mungia BTari partidu luze eta interesgarri baten ondorioz

Wed, 7 May 2008 11:44:13 +0000

Mungiako polikiroldegian jokatu da Bizkaiko Koparen lehenengo jardunaldiaren partida atsegingarria Pasadan asteko larunbatan, Mungiako polikiroldegian Deusto Boleibol Taldeak eta Mungia Boleibol Taldeak jokatu zuten kontran, Bizkaiko Koparen finalaurrekoan sartzeko asmoz.

Partida interesgarri baten ondorioz Deusto Boleibol Taldeak irabazi zuen. Normalean talde honek 3-0 irabazten du. Baina taldeko entrenatzaileak lankako jokalariak atera zituenez set bat galdu zuten.

Laudiok Dolumin Barikuko feria martxoaren 14ean aurkeztuko du

Wed, 7 May 2008 11:22:46 +0000

Ekimenak 170 abere elkartuko ditu Zumalakarregi kalearen tramu batean Ainhoa Urkijo/ Laudio Dolumin Barikiko feriak beren 116. utebetetzea ospatuko du aurten Laudio herriaren kale nagusian; bertan, abeltzantza eta nekazaritza ez ezik, hegazti exotikoak izango dira.

Gainera, Herriko Plazan nekazaritzako eta eskuz egindako produktuak salgai egongo dira. Laudioko ganadu azoka honen antolatzailea Abereduna taldea da, eta honek abereen hautaketa prozesuaren arduraduna izan da, zeinak 55 behi buru, 10 ardi lote, 8 ahuntz talde eta 55 zaldi baino gehiago aukeratu izan ditu.Aberedunak egindako buruen hautaketa Orozko, Urduña eta Aiara eskualdeko baserrietan burutu da.

Bihotz bakartien klubekoak, musika eta poesia uztartzeko bildu dira Sarrikoko unibertsitatean

Wed, 7 May 2008 11:07:46 +0000

Arratsaldeko 19.30ean Katamalo musika taldeak 200 gazte inguru bildu zituen Ekonomi eta Enpres Zientzien Fakultatean bere azken lana aurkezteko: Bihotz Bakartien Kluba. Kanpaien hotsa, eszenatoki erdialdean jarri zuten erloju baten TIK-TAK hotsak estali zuen. Hura zen lehen kantuaren hasiera, emanaldi atsegina izango zenaren hastapena.

Aretoan eserleku guztiek euren jabea zuten eta inguruan lekurik gabe geraturiko jendea zutik zegoen; guztiak eszenatokira begira. Argiak itzali eta TIK-TAK hots hura Gotzon Barandiaranen ahotsaren melodiak osatu zuen, poesia eder batekin. Metaforen bidez beren burua aurkeztu zuten apurka-apurka “...hurbiltzen da lehen katamaloa, buru makur bada ere...” eta jende guztiak adi jarraitu zituen hitzak.

Amezua "Danbolitteroei" omenaldia Berrizen

Wed, 7 May 2008 10:43:07 +0000

Juan Bautista Amezua jaio zela 250 urte bete dira apirilaren 4ean. Berrizen eta Durangaldeko beste herri batzuetan danbolin-jole izan ziren Amezuatarren lehen oinordekoa izan zen bera. Guztira, bost belaunalditan iraun du Amezuatarren txistu-doinuak.

Maiatzaren 10ean, arratsaldeko 20:00etan, Kultur Etxean egingo da herri ekitaldia Amezuatarrak gogoratuz. Berrizko Udalak eta Gerediaga Elkarteak antolatzen dute ekitaldia eta Durangaldeko Txistulari Elkartea, Berrizko Iremiñe eta San Lorentzo Dantza Taldeak eta Bizkaiko Dantzarien Biltzarraren laguntzarekin egingo da.

HOCKEY: Taularen erdian bukatu du liga Atletiko San Sebastianek

Wed, 7 May 2008 09:40:49 +0000

3-1 irabazi dio Terrassari, amaiera ona emanez aurtengo liga kaskarrari Eguerdiko hamabi eta erdiak Donostiako Bera-berako hockey zelaian. Euria zegoen iragarria, baina egun eguzkitsuarekin aurkitu ginen atzokoan. Eguraldi on horrek jende asko gerturatu zuen zelaira. Eta seinale ona zen hori, izan ere, Atletiko San Sebastian ohorezko dibisioko gizonezkoen hockey taldeak animo guztiak behar zituen ligako azken jardunaldi honetarako.

Musika eta dantza, parranda on baten osagaiak

Wed, 7 May 2008 09:17:01 +0000

Gatikako inguruak jendez gainezka egon ziren pasadan larunbatean, herriko jaiak zirela eta. Arratsaldeko 21:00ak inguruan, gehienezko pisua gainditzeko zorian zegoen autobusak bidaiariak beren helmugara eraman zituen: Gatikara, musika, dantza eta parrandaren zurrunbilora.

Frontoi barruko eszenatokia prest Esne Beltza, Sagarroi eta Beste Bat musika taldeen emanaldietarako. Txosnak, beteta, gazte ase-ezinak asetzeko abenturari heltzeko irrikitan. Kontzertuak 23:30ak inguruan hasi ziren, espero baino ordu erdi beranduago. Hala ere, jaia aspaldi zegoen hasita, frontoi kanpoko txosnen musikak giroa berotzearekin batera.

Futboleko finala golez josita egon zen

Wed, 7 May 2008 07:54:03 +0000

Deustoko Ikastetxe Nagusiko finalera bosgarren pisukoak eta laugarren pisukoak iritsi ziren Urtero bezala Deustoko Ikastetxe Nagusiak futbol txapelketa antolatu zuen aurreko asteko ostegunean. Aurten gizonezkoen kategorian bosgarren pisukoak eta laugarren pisukoak iritsi ziren finalera. Hasieratik argi gelditu zen nor aterako zen garaile partiduan eta azkenean 5-3 irabazi zioten bosgarren pisukoek 4. pisukoei.

Eguraldia nahiko lainotuta zegoen arren gogo biziz atera ziren jokalariak futbol zelaira. Partidua arratsaldeko 7:00etan hasi zen eta ordurako futbol zelaia jendez inguratuta zegoen. Jendea irrikatan zegoen beren ekipoak animatzeko. Jokalariak zelaian sartzen ziren bitartean ikusleek jokalariak txalotu zituzten eta bi taldeko kapitainek eskua eman eta gero partidua hasi zen.