Bilboko Fnac dendan aurkeztu zuen Antonio Villanueva Edok bere nobela berria, atzo arratsaldeko zazpiretan. El médico fiel izena du lanak eta Bilbon girotua dago, kolera garaian, karlistaden guduarekin batera.

Antonio Villanueva bilbotar medikua da eta ideia nola bururatu zitzaion galdetu ziotenean argi azaldu zuen medikuntzaren historia aztertzen aritzen dela eta kolera Artxandako karlistaden guduarekin topatzea trama eder bat izan zitekeela pentsatu zuela.

Aipatzekoa da, liburuak historia eta fikzioa ongi uztartzen dituela eta bertaratutako askok azpimarratu bezala oso ondo dokumentatutako lana dela, besteak beste, benetako leku historikoak oso ongi azaltzen ditu, Bilbo inguruko mendialdea ere garai hartakoa bezala deskribatzen du eta hizkera aldetik ere lan handi bat egin du, gaur egun erabiltzen ez diren termino ugari aurkitzen dira El médico fiel lanean.

Jendeak Bilbo eta gerraren inguruko gauza berriak ikasi dituela liburua irakurtzean adierazi zuten aurkezpenera bertaratutako pertsonek.

Nobelaren izenburua

Izenburuaren nondik norakoez ere galdetu zitzaion Antonio Villanueva Edori. Berak, hasiera batean, “Negro, rojo y azul” izena pentsatu zuela adierazi zuen, hurrenez hurren, heriotza, gerra eta itxaropena isladatzen dituzten koloreak.

Baina berehala, editoreak protagonistaren izena, edota nolakotasuna aipatzen zuen izenburu bat egokiagoa zela esan eta halaxe sortu zen “El médico fiel”. Lan berri hontako protagonista Agustin Ovando izeneko mediku gazte bat da. Alcalá de Henaresetik Bilbora datorrena 1832an mediku ezagun baten ikasle izatera.

Baina kolera garaia da eta karlistadak ere iristear daude. Bilbotarrentzat bi zoritxar handi izandakoak biziko ditu medikuak. Ovandok ohiturak, laguntasuna.. ezagutzen ditu.

El médico fiel Bilbon oinarrituriko historia eta fikzioa uztartzen dituen nobela da Bilboko Fnac dendan aurkeztu zuen Antonio Villanueva Edok bere nobela berria, atzo arratsaldeko zazpiretan.

El médico fiel izena du lanak eta Bilbon girotua dago, kolera garaian, karlistaden guduarekin batera. Antonio Villanueva bilbotar medikua da eta ideia nola bururatu zitzaion galdetu ziotenean argi azaldu zuen medikuntzaren historia aztertzen aritzen dela eta kolera Artxandako karlistaden guduarekin topatzea trama eder bat izan zitekeela pentsatu zuela. Aipatzekoa da, liburuak historia eta fikzioa ongi uztartzen dituela eta bertaratutako askok azpimarratu bezala oso ondo dokumentatutako lana dela, besteak beste, benetako leku historikoak oso ongi azaltzen ditu, Bilbo inguruko mendialdea ere garai hartakoa bezala deskribatzen du eta hizkera aldetik ere lan handi bat egin du, gaur egun erabiltzen ez diren termino ugari aurkitzen dira El médico fiel lanean.

Jendeak Bilbo eta gerraren inguruko gauza berriak ikasi dituela liburua irakurtzean adierazi zuten aurkezpenera bertaratutako pertsonek.

Izenburuaren nondik norakoez ere galdetu zitzaion Antonio Villanueva Edori. Berak, hasiera batean, “Negro, rojo y azul” izena pentsatu zuela adierazi zuen, hurrenez hurren, heriotza, gerra eta itxaropena islatzen dituzten koloreak. Baina berehala, editoreak protagonistaren izena, edota nolakotasuna aipatzen zuen izenburu bat egokiagoa zela esan eta halaxe sortu zen “El médico fiel”. Lan berri honetako protagonista Agustin Ovando izeneko mediku gazte bat da. Alcalá de Henaresetik Bilbora datorrena 1832an mediku ezagun baten ikasle izatera. Baina kolera garaia da eta karlistadak ere iristear daude. Bilbotarrentzat bi zoritxar handi izandakoak biziko ditu medikuak. Ovandok ohiturak, laguntasuna.. ezagutzen ditu. .

Lan munduan prekaritate handia dagoela salatzen dute sindikatuek. Urtero behargin asko hiltzen dira lanean ari direla. Gehienetan segurtasun neurriak errespetatzen ez dituztelako gertatzen dira ezbeharrak. Argazkian ikusten dena beste adibide bat da, Bilboko Alde Zaharreko etxe batean ikusitakoa.

Teilatuan lanean ari ziren biek ez zeukaten ez arnesik ezta sokarik ere. Irristatuz gero, sei pisuko alturatik eroriko lirateke.

Hala ere, lasai ederrean zeuden, bat eserita zigarroa erretzen eta bestea, aurrera eta atzera teilatuan oinez. Ezbeharren bat gertatzeko faktoreak asko izan zitezkeen, teila solteren bat, haizea, arazo fisikoak... Garbi dagoena da segurtasun neurriak betetzen ez diren bitartean lan prekarietateak bere horretan jarraituko duela.

Azken aldian, neguko eguraldi epela dela-eta, klima aldaketa, ekologismoa eta kutsadura ahoz aho dabiltzan gaiak bilakatu dira. Klima aldaketa eragiten duen aldagai nagusia kutsadura denez, ekologismoaren aldeko apustua egitea eskatzen dute adituek.

Poluzioaren zati handi bat ibilgailuek eragiten dute. Milaka eta milaka auto egunero aurrera eta atzera dabiltza eta keak karbono dioxido kopuru handia isurtzen du. Urteotan CO2-aren isurtze hori mugatzen eta neurtzen saiatzen ari dira, baina kasu askotan ez dute lortu.

Horregatik, ekologismoaren alde egiteko eta petrolioa agortzen ari delako, Toyota autogileak motor berri bat egin du, erdi elektrikoa erdi gasolinazkoa. Zer lortzen da motore berri honekin? Gasolina kontsumoa asko jaisten da, hiri barruko kontsumoa 5 litrokoa da 100 kilometroko; soinu kutsadura ere askoz baxuagoa da eta CO2 isuri gutxiago du motore arruntak baino.

Bilboko taxilari batek alde on guzti horiek ikusi eta Toyota Prius auto ekologikoa erosi eta erabiltzea erabaki du. Gainera, bere ogibidea izaki, abantailak besterik ez dizkiola ekarriko pentsatuko du. Izan ere, kilometroko gasolina gutxiago kontsumituko dio eta hori bere poltsikoak eskertu egingo du. Eta, bestalde, lurraren alde egingo du gutxiago kutsatuz.

Irudi ikusgarri hau gaur goizean atera dut Bilbon, Gran Vian. Haizearen eraginez, zuhaitz bat jausi da eta zuhaitz horrek iragarkiak jartzeko panel bat apurtu du, kartel hori farola baten gainera jausi da eta apurtu egin du. Puskatutako farolaren zatia autobus markesina baten gainera jausi da eta hura ere txikituta gelditu da. Ez dakit inor harrapatu duen, ni handik pasatu naizenean ingurua hesituta zegoen, eta dena garbitzen ari ziren.