Igaro den ostiralean izan zen Emakumeen Liburu Azokaren lehenengo eguna, aurtengoa hirugarrengo aldia izan da eta sekula baino jende gehiago egon zen Azkoitiko plazan.

Arratsaldeko 14:30ean hasi zen eta ordurako plazako eskailerak gazteez beteta zeuden, azoka noiz irekiko zain. Aurtengo erakustaldi hau “...geure gelatik” izenarekin batailatu dute, Azkoitiko emakume eta gizonezkoen berdintasunerako kontseiluak eta Azkoitiko Udalak antolatutako ekimen berezia.

Emakume asko ikusten ziren eta oso dotore, hauetariko askok udaberriko soinekoak zeramatzaten jantzita. Gizonezkoak eta gazteak ere bazeuden, baina emakumeak ziren plazari bizitasuna ematen ziotenak. Emakume guzti hauek Torre Zurin egin zen aurkezpena entzuteko irrikitan zeudela nabaria zen, bi libururen aurkezpena hain zuen ere.

12:30ean zabaldu zituzten Torre Zuriko ateak eta bi minututan lokala jendez gainezka geratu zen. Aurkeztu zuten lehenengo liburua "Movimiento de mujeres, mujeres en movimiento" izan zen eta Begoña Zabalak egin zuen aurkezpena. Feminista honek urte asko daramatza lan honetan, eta gaur egun, Emakume Internazionalistak-en kidea dugu.

Aditu honen inguruan aipatu beharra dago, Euskal Herriko bilgune eta asanblea feministen historia txikia egin duela. Begoñak aurkezpena egiten amaitu zuenean, txalokatua izan zen modu ozen eta luze batez.

Ondoren, Bea Ugarte, Maider Gonzalezek eta Marije Apodakak, Bilgune Feministak atera berri duen "hezkidetza-gida"-ri buruz hitz egin zuten. Hauek argi eta garbi azaldu zutenez, gidaren bitartez hezitzaileei, hezkidetzan hezteko zein pauso eman behar diren azaldu nahi zaie. Honez gain, aurtengo gidarekin beste aurrerapauso bat eman nahi izan dutela ere aitortu zuten, gida praktiko bat eginez.

Jendearen arreta piztea lortu zuten hiru emakume hauek eta Begoña txalokatu zuten modura txalokatu zituzten hirurak. Aurkezle lanetan Azkoitiko Emakumeen Taldeko ordezkaria egon zen eta honek irribarre batekin eman zituen gai honi lotutako zenbait berri.

Hirugarren eguna eta azkena bereziena izan zen. Aurreko bi egunetan bezala, herritarrek enparantzari bizitasuna ematea lortu zuten euren presentziarekin, nahiz eta oraingo honetan sekula baino goizago hasi zen, goizeko 10:30ean.

Egun honen berezitasunaren zergatia, 12:45ean egin zen ekintzarekin lotuta dago. Izan ere, Zenbait hizkuntza ezberdinetan emakumeek idatzitako testuen irakurketak egin ziren. Zehatzagoak izateko, hamar hizkuntza desberdinetan idatzitako testuak irakurri zituzten hainbat emakumeek eta oso tarte polita izan zen honako hau.

Eguraldi eguzkitsuak eta jendearen alaitasunak aurtengo azoka gogoratzeko modukoa bilakatzea lortu zuten.

“Población, desigualdades y Golbalización” izan zen Leioako Gizarte Zientzien fakultatean atzo eskainitako ekitaldia. Tomás Jiménez Araya izan zen mintzagai eta demografia izan zen bere gairik aipatuena berbaldiak iraun zuen ordu eta erdi horretan.

Hau guztiaren ondorioz, ekonomia, gizartea eta demografiaren arteko interakzioa eta harremana ere azaldu zituen Tomas Jiménez Araya gaian adituak. Demografiaren dinamismoa eta aukeren ezberdintasuna aipatu ziren uneoro eta baita informazioa eta aukeren kostuak ere. “Win-win” emaitzak azaldu zitzaizkien publikoari, hau da, emaitza onak lortu izana globalizazioa eta demografiaren hazkuntzari dagokionez.

Biolentziaren aurkako segurtasun neurriek lehen planoa hartu dutela aipatu zuen hitzaldiari amaiera emateko.

Sarrikoko Ekonomi eta Enpresa Zientzien Fakultatean guztia zegoen prest. Katamalo taldea eszenatokira irten bezain pronto hasi ziren txaloak. Arratsaldeko zazpi eta erdiak besterik ez ziren arren giroa paregabea zen jada. Kontzertua izango zenaren aurrekaria.

Argiak itzali ziren eta gora arte betetako areto hartan lehen abestiaren lehen notak entzun ziren. Zortzi instrumentu eta ahots ikaragarria harmonia perfektuan.

Larrabetzun sortutako musika-taldea da. Musika-taldea baino, proiektu bat dela esan dezakegu beraz, jada sortuta dauden letrekin lan egiten baitute, baina halere kantu propioak ere badituzte. Honezgain, Katamalo taldearen xede garrantzitsuena kontzertuak ematea den aldetik, diskoak saltzeko asmo berezia ez dutela esan dezakegu.

Gotzon Barandiaranek orduan, zazpi eta erdiak pasatuta, mikrofonoa piztu eta ahots paregabez “Ez dezala mikrofonoak agindu” poemari hasiera eman zion. Minimalismoz beteriko poemek, musikaren laguntzaz intentsitate eta indar berezia lortzen zuten. Publikoak bitartean, isiltasunean zirauen, eszenatokiari so, bilatzera joan zena aurkituko balu lez.

Tartean, kanta bat bukatu eta beste bat hasi baino lehen, Barandiaranen hitzek tristura eta poza sentiarazten zuten aldi berean. Lan-istripu edota genero indarkeriaren bezalako gai finak tratatu ziren, ikuspuntu berezi bat eskainiz, poesiaz estalirik.

Honen kontura, Irala kalean duela gutxi hildako Endurance gazte nigeriarra aipatu zuten, berriz ere oso era poetikoan, publikoaren barnean sentimendu desberdinak sentiaraziz. Zazpi kantuko diskoak, zuzenean gehiagorako ematen zuela zirudien.

Tartean tartean Berri Txarrak taldeko kide den Gorka Urbizuk talde horretako kanturen bat abestuz eta esandako Barandiaranen hitzak tartekatuz, kontzertu luze bezain atsegina ematea lortu zuten Katamalo taldeko kideek.

Horrela du izena Bilboko Udalak zabaldu duen erakusketa berria. Bertan, 40 eta 50 hamarkadan, gerra zibila ondoren, bilbotarrek tarte librea igarotzeko erabiltzen zituzten formula eta formak azaltzen dira.

Erakusketa Bilboko Zabalguneko merkatu ohian dago, eta gure gurasoen edo amona-aitonen bizimoduari buruz gehiago jakiteko aukera bikaina da.