Bideo hau EiTBko profesionalek grabatu eta ekoitzi dute, baina ikusle batek eskatutakoa da.

Hipoterapia ezohiko terapia da, Greziaren garaitik ezagutzen dena, alegia; eta gaixotasun desberdinak dituzten umeei eta helduei laguntzen die. Zaldiak indarra transmititzen du eta ez fisikoa bakarrik.

Horrelakoa da Jonen kasua, zazpi urte ditu eta garuneko paralisia du. Ebakuntza egin zioten eta errehabilitazio saio luzeak egin ditu. Hiru urterekin oinez hasi zen, baina benetako garapena hipoterapiari esker lortu du.

Eunate Guarrotxenaren jakintzaren eta esperientziaren arabera (hipoterapeuta da Lezaman dagoen klub hipikoan), "zaldiak daukan tenperaturak, 38,5 ºC, muskulatura eta artikulazioak erlaxatzen ditu".

Jonen gurasoak oso pozik daude, Joserra Gojenolak (Jonen aita) dio tratamenduaren emaitzak igartzen dituztela "batez ere orekaren aldetik. Urte eta erdi daramagu eta bizikletan ibiltzea lortu du. Nik uste dut terapia hau egin izan ez bazuen agian ez zuela lortu izango orain bizikletaz ibiltzea".

Hala ere, ez daude guztiz pozik, informazio ezagatik kezkatuta baitabiltza. Gojenolak uste du gaur egun medizina tradizionalarekin edo ofizialarekin Jonek ez lukeela beste aukerarik edukiko. Ziur dago "Jon gurpil-aulki baten gainean jesarrita egongo zela".

Izan ere, hipoterapia zegoenik ere ez zieten esan medikuek, gurasoek euren kabuz deskubritu zuten. Lezaman, hipoterapiari esker, egunetik egunera ikusten dute indarra eta kemena behar dutenek nola lortzen duten.

Zeure proposamena egin nahi baduzu, egin iruzkina blog honetan.

EMedia Comunicación-en XI. Publizitate jardunaldia atzo gauzatu zen Leioan. Hitzaldi horietan parte hartu zuten agentzien artean Sylvia Lezamak aurkeztutako Coca-Colaren Gabonetako Fabrika de la Felicidad iragarkia nabarmendu zen, izan ere, iragarki hau saritua izan zen.

Ekitaldiak EHUko unibertsitateko areto nagusian gauzatu ziren. Hitzaldi ziklo honen helburua Publizitate eta Harreman Publikoko irakasleei iragarki kanpainak nola antolatzen diren eta zeintzuk dira gauzatzen dituzten estrategiak erakustea da.

Horretarako trailer bat egin zuten eta honen berri eman zuten telebistako katetan eta interneten. Kaleetan ere “No te pierdas la pelicula de las Navidades” mezua ikusi ahal izan zen markesina eta belakietan. Azkenik abenduak 10ean spota ikusi ahal izan zen eta sekulako arrakasta izan zuen.

Sylvia Lezama, McCan Erickson unibertsitateko harremanen arduradunak, “ 2007ko spot gogoratuena izan da” adierazi zuen, izan ere, Freixentek baina ospe handiagoa izan zuen.