Musika festibalak ez dira bakarrik musika; kanpaldiak, ekintzak, erosketak etab dira, esperientzia oso bat Udako oporrak pasatzeko proposamen ugari daude beti: herrialde berri bat ezagutu, hondartzan eguzkia hartu orduak eta orduak…

Baina ondo pasatzea gogoko duten pertsonak eta musika maite dutenak festibaletan batzen dira. Hemen etxetik gertu gauzatzen diren festibalen laburpena egin dugu: Electric Weekend (Getafe, Madrid) Uda gogor hasteko Getafeko festibal berria dugu.

Aurten izango da festibal honen lehenengo edizioa, eta jadanik, badu beteranoek duten beste fama. Seguru aski dituen kalitate handiko artistak dute errua, eta ez da gutxiagorako; The Offspring, Queens Of The Stone Age, Metallica, Iggy & the Stood, Nothink, Within Temptation, Rage Against the Machine...

Rock gogorra da festibal honen puntu indartsua eta festibal hoberenetan bezala, kanpaldi lekua dago asteburua perfektua izan dezan. Hilabete honetako azken egunetan izango da (Maiatzak 30 eta 31). Festimad Sur (Leganes, Madrid) Getafetik asko mugitu gabe Festimad Sur aurkitu dezakegu.

Madrileko festibalik “gogorrena” zen, aurten Electric Weekend titulua kendu dion arte. Hala eta guztiz ere bere kartela ez da txarra, Linkin Park izango dute talde internazional famatuena, hauen kontzertu bakarra Espainian. Esan beharra dago festibal merkeenetarikoa dela, 48€ larunbata eta 58€ bi egunak.

Nahiz eta talde nahiko onak eraman, organizazioa pasadan urtean “argi gutxiegikoa” izan zen, festibalero batzuen ustez, garraio publikoaren asuntoa ez zutelako ondo eraman. Espero dugu aurtengo ediziorako arazo hau konponduta egotea.

Joan baino lehen beharrezko da urtero ateratzen duten diskoa entzutea. Konkurtso bat antolatzen dute urtero talde ezezagunak ezagutzera emateko eta 20 hoberenekin diskoa egiten dute, aperitibo ona kontzertuez gozatu baino lehen. Festimad Sur-aren web orrian jaitsi dezakezu. (Ekainak 6 eta 7). Rock In Rio (Arganda del Rey, Madrid) Festibal historikoa da, 1985an izan zen lehengo edizioa Rio de Janeiron (Brasil).

Hegoamerikara artista garrantzitsu asko (Queen, Rod Steward, Iron Maiden…) joan ziren lehengo aldi izan zen eta aurten Madrilen eta Lisboan ospatzen da. Madrileko edizioa badirudi “pijoen” kutsua duela, artista nahiko komertzialak dituelako batez ere (eta festibal-barrutian moda dendak izango direlako).

Artista nazional eta nazioarteko ugari izango dira bertan: El Canto Del Loco, Tokio Hotel, Manolo Garcia, Alanis Morissette, Shakira, Amy Winehouse, The Police, Franz Ferdinand… (Ekainak 27 eta 28, Uztailak 4,5 eta 6) Bilbao BBK Live (Bilbo, Bizkaia).

Beharbada etxetik gertuen aurkitu dezakegun festibala eta gero eta ospe handiago hartzen ari dena. Aurten hiru egunetan zehar disfrutatu ahal izango dugu Euskal Herrian dagoen musika festibal internazionaletik. Artistak puntakoak dira: The Police, Lenny Kravitz, R.E.M., Morcheeba, The Prodigy, The Charlatans, Tequila…

Prezioa 165€koa da (hiru egunetarako bonoa) eta kanpin lekua erabili dezakezu. Pasadan urteko Metallicaren kontzertua Kobetamendi (kontzertua egiten den lekua) bete zuen eta antolatzaileek errepikatu nahi dute. Egia esan, jendea oso pozik atera zen festibaletik, noski jardunaldiak oso onak izan zirelako, baina “antolaketan: 10 bat, aukeratutako lekua eta eskainitako zerbitzuengatik” batez ere, ikusle baten hitzetan.

Hirugarren edizio honetan kartelaren %80 betetzeko abeslari eta talde internazionalak aukeratu dira, honekin udaletxeak eta antolatzaileek “modelo Europarrago bat” eskaini nahi dute, eta “eskaloi bat igo”, prentsaurrekoan esan zutenez.

Beraz espero dugu festibal hau urte gehiagoz jarraitzea. (Uztailak 4, 5 eta 6) FIB Heineken (Benicassim, Castellon) Beharbada Espainian egiten den musika festibalik ospetsuena. Talde ospetsu eta mitoak pasatu dira eszenario honetatik, gogoratzea merezi dutenak: Radiohead, Björk, The Cure… Aurtengoa 14. edizioa da eta berrikuntza bat egon da.

Festibaleko 4 egunaz aparte, “Saturday Night Fiber” deitutako jaialdia ospatuko dute Madrilen, uztailaren 19an, festibaleko artista batzuekin (My Bloody Valentine, Mika…) Baina benetan festibala deitzen dena Benicassimen gertatzen da. 170€ kostatzen duen abonuarekin 4 egun kontzertu eta 9 egun kanpaldi egiteko aukera dago.

Baliteke festibalik garestienetakoa izan, baina “FIBak hau eta gehiago merezi du”, egondako gehienen ustez. Lau egun horietan artista hauek zuzenean ikusi ahal izango dira: Leonard Cohen, Mika, My Bloody Valentine, Babyshambles, The New Pornographers… (Uztailak 17, 18, 19 eta 20).

Beste Batzuk Hemen aipatutako festibalak garrantzitsu eta ospetsuenak dira, baina badira beste batzuk oso onak, adibidez Summercase, Bartzelona eta Madrileko festibala. Aurten Kaiser Chiefs, Interpol, Sex Pistols eta M.I.A. izango dituzte gonbidatu beste askorekin batera. Beste festibal famatu batzuk: Sónar, Creamfield, Daydream eta Mediatic ditugu.

Baina etxetik ez bazara urrundu nahi Bilbao BBk Live-tik aparte Kobestasonik eta Azkena Rock Festibal disfrutatu dezakezu. Kobetasonik Kobetamendin izango da ekainaren 20 eta 21ean eta Kiss, Judas priest, Europe, Su Ta Gar… bertan izango dira. Azkena Rock Festibal-aren kartela ez dago prest oraindik baina beste urteetan bezala jarraitzen badu ez dago uda amaitzeko modu hobeagorik, Gasteizen, irailak 5 eta 6.

Hauek dira udan musikaz gozatzeko egiten ditugun proposamenak, baina oraindik beste herrialde bat ezagutu nahi baduzu, jakin han ere, seguru aski, beste festibalen bat izango dela. Eta hondartzaren aukera deigarriagoa gertatzen baldin bazaizu, ez ahaztu MP3a etxean.

“Rock Star Live” aretoa sentimenduz beteta egon zen. Joan den ostiralean, apirilak 18, Sergio Contreras abeslari andaluziarrak bere diska berria aurkeztu zuen Barakaldoko “Rock Star Live” diskoteka ospetsuan. “La transparencia de un alma” izeneko diskaren abesti guztiak berak idatzi ditu.

Sentimendua, amodioa eta bakardadea dira Contresarek transmititu nahi dituen gaietako batzuk. Mutil gazte baten pentsamenduak primeran adierazi zituen Huelvako abeslariak. BBK izan zen kontzertuaren antolatzailea. Ateak 20:00etan ireki behar zituzten, baina ezbehar batzuk gertatu ondoren, ordu bat beranduago ireki zituzten. Jendearen urduritasuna nabaria zen.

Gazte askok entzun zituzten Sergio Contrerasen letra zoragarriak. Hamarrak bost gutxi. Argiak itzali ostean, Contreras agertu zen bapatean “Tus ojitos negros” abesten. Gazteen oihuak diskoteka osoan zehar entzuten ziren. Flamenkoa, reggaetona eta pop-a nahasten dituen abeslari gazte honek arrazismoaren kontrako abestiarekin hasi zuen bere kontzertua.

Eszenatokian bi dantzari politak agertu ziren. Abestien letrak gazteen burmuinetan sartzea nahi zuen andaluziarrak, haiek kontzientziatzeko. “Ez arrazismoari!”-entzuten zen. Jendeak negar eginez entzun zuen “Rosas negras” minbiziari buruzko abestia. “Mujer, usted puede ganarle al cáncer”, oihukatu zuen Contrerasek.

Arrosak beltzak dituzte emakume hauek beraien bihotz goibeletan. Istorio oso tristeak kontatzen ditu Sergio Contrerasek. Hori da bere arrakastaren arrazoia. Bere entzuleen bihotzetan sartzen da, istorio pertsonalak zein gizarte arazoak kontatuz. Musika estiloz aldatu zuen. Jende orok dantza egin zuen “Andaluces disparando cante” reggaeton udako abestiarekin.

Bi “breakdancer” agertu ziren artazika eszenatokian. Bere diska berriaren abesti guztiak entzun genituen, esate baterako, “Que vuelo”, “Te está matando”edo “Alosno”. Ondoren, bere diskografia berrikusi zuen, “En qué pensabas”edo “Llena de luz y de sal” abestuz. Bi ordu iraundu zuen kontzertua amaitu zenean, jendetza goraka hasi zitzaion. Txaloak ugariak izan ziren.

Sergio Contresaren kontzertua hitz batean: sentimendua. Berriro noiz bueltatuko den irrikitan geratu zen jendea.

Nazioarteko musika talde bat Bilbon, sarrera guztiak salduta… kontzertuak itxura ona zuen. Sarrerak ez ziren oso merkeak (27€) baina, 1.600 gazte baino gehiago batzea lortu zuten Simple Plan-eko mutilek. Ez ziren bakarrik egon, bi talde zituzten telonero gisa: Falling Kids madrildarrak eta No Way Out bartzelonarrak.

Arratsaldeko zazpiak laurden gutxi ziren Barakaldoko Rock Star Live kontzertu aretoaren atean sekulako oihuak entzun zirenean. Simple Plan talde kanadarraren taldekideak bere jarraitzaileak agurtzen atera ziren. Hamasei urteko neskek izugarrizko zarata sortu zuten.

Behin barruan, kamisetak erosi kontzertuan egon zinela ikustera emateko(gainera kamisetak taldearen lagun min batek saltzen zituen, Patrickek, jarraitzaile guztiek ezaguna zutena) eta zortzietan (puntualak izan ziren) Falling Kids eszenatoki gainean zeuden. Ez dira oso famatuak baina pare bat jarraitzaile sutsu aurkitu zituzten mutilen artean, haien kontzertu laburraz (20 minutu eskas) gozatu zutenak.

No Way Out giroa prestatzeko talde aproposa izan zen. Hasierako problema teknikoaz aparte, jendea animatu eta parte hartzera bultzatu zuten. Hilabete honetan aterako den disko berriaren bi abesti eta aurreko diskoko hainbat abestu zituzten, beti publikoaren koroarekin, gehiagoren gogoekin geratu zirenak.

Bederatzi t’erdietan, luze egin zen egotaldi baten ondoren, Generation abestiaren lehen akordeak entzun ziren eta Pierre eta bere lagunak jarraitzaileen abesti gustukoenak jo zituzten, hauen artean: The end, When I’m gone eta Your love is a lie disko berritik eta Welcome to my life, Addicted eta I’d do anything bere aurreko diskoetatik.

Neska guztiak bereganatzen zituzten gazteleraz hitz egiten saiatzen ziren bakoitzean (“muchas chicas guapas”) eta I can wait forever abestiarekin ( “a song for all the chicas, the señoritas”).

Lehenengo geldiunearen ostean, Pierre, abeslaria, DJ mahai gainean agertu zen Untitled abesteko bere taldekideen aurrean eta oparitxo batzuk (puak) banatzeko han atzean zapalduta zeudenen artean. Amaitzeko taldekideek ikurrina bat atera zuten Bilboko Athletickeko ezkutuarekin fan guztiak agurtzeko eta ordu t’erdi baino gehiago iraun zuen kontzertuari bukaera eman zioten.

Nahiz eta backstage-ean egon zirenen jarraitzaile askotariko bat ez izan, izugarri ona izan zen kontzertua gozatu zuten Bizkaiko gazteek.

-Noiz: Apirilak 10 (19:30 ateak zabaldu – 20:00 kontzertua)

-Non: Rock Star Live (Megapark – Barakaldo)

-Gonbidatuak: Falling Kids eta No Way Out

-Simple Plan dira: Pierre Bouvier (abeslaria), David Desrosiers (baxu-jotzailea), Chuck Comeau (bateria), Sebastien Lefebre eta Jeff Stinco (gitarristak)