 |
Inprimatu| Tag nazio (1) | 1/1 |
NAZIOTASUN EGUNA 07-ren aurkezpena burutu da gaur iluntzean Laudioko Udal areto batean BAI EUSKAL HERRIARI herri ekimenak buruturiko jendaurreko agerraldian. V. NAZIOTASUN EGUNAren nondik norakoak eta kokapenaren inguruan mintzatu zaigu Alfonso SANZ BAI EUSKAL HERRIARIko eleduna eta beste aldetik Josu ZABALA Laudioko BAI EUSKAL HERRIARI ekimeneko partaideak eguneko egitaraua azaldu digu.
Maiatzaren 8an, Laudioko Udaletxean aurkeztu zen NAZIOTASUN EGUNA 07. Hemen sakatuz agerraldiko informazioa ikus dezakezue.
Zestoan aldiz, ezkil dorretik behera ziztu bizian jaitsitako eskalatzaileek bezain besteko abiadurarekin, laugarren urtean Balmasedako harri zulatzaileek egin zuten bere lana. Ibarran amona Mariak ekin zion EHNA tramitatzeko apustuari, Ondarroan Karmentxu izan genuen, Zestoan apustua berak bultzada ikaragarria izan zuen hainbat urte sorterritik eta etxetik kanpo eman ostean: Hainbat herritarrek oholtzara igo eta beraien konpromisoa adierazi zigutenean: Euskal Herrian EHNArekin bizitzeko konpromisoa hain zuzen!
Aurten Araban, Laudion egitea erabaki dugu. Eta Laudion egingo dugu Balmasedako harri zulatzaileen erritmoari jarraikiz dantzariek ongi etorria emango digutelako. Laudion egingo dugu bertako Bai Euskal Herriari taldeak oso lan txukuna egin duelako eta herriko eragile askorekin elkarlanean arituz, gure herriaren etorkizuna egunero eraikitzen ari direlako.
11etan DIANA txistulari eta trikitilarien eskutik. 11:00 - HASIERA EKITALDIA burutuko da herriko plazan eta jarraian, EHNAren tramitazio bulegoa eta Haurren Txokoa irekiko dira. 11:30 - DANTZA IKUSKIZUNA 11:30-13:30. Graffiti erakusketa. 11.30 - AZOKA PLAZA. Nekazarien eta artisauen azoka ikusgai izango da goiz guztian zehar. 13:00-13:30. BERTSOLARIAK. 13.30-14:30. EKITALDI NAGUSIA 14:30-15:00. KANTU-TRIKI POTEOA.
14:30 - HERRI BAZKARIA. Bazkariko txartelak, Laudioko tabernetan salgai edo naziotasuneguna@baieuskalherriari.org helbidera mezu bat bidaliz erreserbatu ditzakezu. 16:30 - HERRIA KANTUZ ikuskizun parte hartzailea. 17:30 - HERRI KIROL EXTREMOA ikuskizun parte hartzailea. 18:00-20:00. KARAOKEA umeentzat. XURDIN taldearen eskutik. 18-00-20:00. Ekitaldi kulturala Basalarrina kultur elkartean. Momentuan erabakitzeke. 20:00 - DANTZALDI ERROMERIA. PATXI ETA BATBIRU taldearen eskutik.
INFORMAZIO GEHIAGO www.baieuskalherriari.org
Egilea: prentsa bulegoa BAI EUSKAL HERRIARI
Kategoriak: denetarik
Tags: naziotasun eguna ehna bai euskal herriari alfonso sanz euskal herria nazio bat gara herria festa
Iruzkinak: 0
 |
 |
 |
 |
 |
 |
 |
|