BBVA fundazioaren aurtengo Hitzaldi Zikloak gizakiaren eboluzioari buruz izan dira. Atzo, “Darwinismo vs. Wallacismo: El “darwinismo puso” defendido por Wallace” deitutako hitzaldia eskaini zuen Fern Elsdon –Baker-ek.

Bertan, bakoitzaren eboluzioaren teoria argitu zuen bien arteko antzekotasunak eta desberdintasunak azalduz. Fern Elsdon-Baker “British Society for the History of Science”-ko kidea da. Atzoko hitzaldian Darwin hil eta gero berak sortutako teoriaren inguruan sortu ziren teoria berriak azaldu zituen. Horien artean Alfred Russel Wallacek egin zuen Darwinismoaren interpretazioa da garrantzitsuena. Bien artean egon zen desberdintasun handiena espiritualismoan datza Fern-ek argitu zuen bezala.

Darwinek ez zuen espiritualismoan sinisten, berak bakarrik espezieen hautespen naturalean sinisten zuen. Wallace aldiz espiritualismoan interesatuta zegoen. Ondorioz, Darwinwen teoriari hori erantsi zion. Bere teoria berriak adostasunak eta desadostasunak sortu zituen beste zientzialarien artean. BBVA fundazioaren aurtengo Hitzaldi Zikloak otsailaren 26an hasi ziren eta apirilaren 29 bukatuko dira. Guztira zazpi hitzaldi dira eta dagoeneko lau egin dituzte.

BBVA fundazioak oraindik eskainiko dituen hitzaldien artean honako hauen aurki ditzakegu: Apirilaren 8an Ana María Aransayek “Evolución humana y enfermedades” hitzaldia eskainiko du. Hilabete bereko 17an, Miguel Delibes de Castrok “Evolucionismo y conservación de la naturaleza” izeneko hitzaldia egingo du eta azkenik, apirilaren 29an, “Genes, desarrollo y evolución” hitzaldiarekin emango zaio amaiera Ginés Morataren eskutik aurtengo Hitzaldi Zikloei.

BBVA fundazioak prestatutako hitzaldiek otsailaren 26tik apirilaren 29rarte iraungo dute eta guztira zazpi adituk hartuko dute parte Kasu honetan British Society for the History of Science-ko kide den Fern Elsdon-Baker-ek “Darwinismo vs. Wallcismo: El ‘darwinismo puro’ defendido por Wallace” gaitzat zuen hitzaldia eman zuen.

Bertan, Darwinen eboluzioaren teoriaren nondik norakoak argitu zituen, beti ere Wallacen ikuspegitik. Fundaizo hau, BBVAk pertsonen etorkizuna hobetzeko duen interesarekin bat dator. Horrela, gai honen inguruko konferentzi zikloa antolatu du jakintza honen inguruko hainbat sektoretan, hala nola ingurugiroan, gizarte zientzietan eta biomedikuntzan inbestigazio zientifikoa bultzatzea delako bere xede garrantzitsuena.

Durhameko unibertsitatean zientziaren historiaren irakalse den Elsdon-Baker-ek gainera, garaiko testuinguruan kokatu zuen hitzaldia, Wallace, Darwin eta Romanes nortzuk ziren argituz eta horretarako, hainbat eskutitz, eskuizkribu eta aipu bilduz. Hitzaldia ingeleraz izan zen, eta beraz bertan zeudenak gal ez zitezen, itzultzaile batek Fern Elsdon-Baker-en hitzaldia hitzez hitz itzuli zuen gaztelerara.

Jende asko egotean gainera, BBVA fundazioko eraikineko bigarren solairuko hainbat gela zabaldu zituzten entzule guztiak sar zitezen. Gela zentralean, aditua hizketan zegoen bitartean, beste geletan kokatutako telebistetatik ikus zitekeen guztia, xehetasun handiz.

Hitzaldia amaitzean bertan bildutako entzule guztiei galderak egiteko aukera eman zitzaien, Unai Ugaldek (UPV-EHU) gidatutako solasean.